Mira Murati nada en Albania ou en San Francisco en 1985[1] ou, segundo outras fontes en 1988,[2] é unha desenvolvedora de software albanesa radicada nos Estados Unidos. Como CTO (Chief Technology Officer) de OpenAI, está implicada no desenvolvemento de DALL-E. [3] The Times cítaa como "a creadora de ChatGPT".[4][5] Murati uniuse a OpenAI en 2018, exercendo como CTO da compañía e, desde novembro de 2023, asumiu como a CEO interina de OpenAI, substituíndo a Sam Altman que foi despedido por non ter o consello confianza na súa capacidade de comunicarse co mesmo.[6] Foi substituída aos dous días por Emmett Shear.
| Nome orixinal | (sq) Ermira Murati (en) Mira Murati  |
|---|---|
| Biografía | |
| Nacemento | 16 de decembro de 1988 (35 anos) Vlorë, Albania |
| Datos persoais | |
| País de nacionalidade | Albania |
| Grupo étnico | Pobo albanés |
| Educación | Thayer School of Engineering (en)  - Bachelor of Engineering (en) (–2012)Dartmouth College Colégios do Mundo Unido (pt) |
| Actividade | |
| Ocupación | director de tecnoloxía |
| Empregador | OpenAI (2018–) Leap Motion (en) (2016–) Tesla, Inc. (2013–) Zodiac Aerospace (United States) (en) Goldman Sachs (pt) |
| Lingua | Lingua albanesa, lingua inglesa e lingua italiana |
| Obra | |
Obras destacables | |
Premios
| |
  | |
Traxectoria
Mira Murati licenciouse en Enxeñaría Mecánica polo Dartmouth College, tras o cal realizou unhas prácticas de verán como analista en Goldman Sachs.[7] Despois, en 2012, traballou como enxeñeira na empresa aeroespacial francesa Zodiac Aerospace.[8] Máis tarde foi nomeada xefa de produto en Tesla para o seu vehículo Model X. Despois traballou como vicepresidenta de Produto e Enxeñaría en Leap Motion, unha empresa de software e hardware que fabrica controladores que permiten aos usuarios manipular obxectos dixitais cos movementos das súas mans cando están conectados a un ordenador. En Leap Motion tamén lanzou un novo software deseñado para o seguimento manual en realidade virtual.[9]
En 2023 como CTO de OpenAI foi a creadora de ChatGPT [10] e dunha Intelixencia Artificial (IA) que xera obras de arte a partir de pautas dadas.[4] En 2022 lanzouse previamente ChatGPT, un robot adestrado para manter conversas e escribir textos.[10] Mira Murati considera que ChatGPT é unha oportunidade para a educación, aínda que hai que establecer normas e límites no seu uso diario.[11][12] Considera que deben ser os gobernos os que regulen o uso da Intelixencia Artificial e non as empresas e que os filósofos, humanistas, artistas e científicos sociais teñen que participar na reflexión colectiva sobre este tema.[13]
De feito, afirma que as implicacións éticas desta tecnoloxía están tan presentes no seu equipo, que parte dos seus colaboradores son filósofos e sociólogos que non deixan de cuestionar as consecuencias sociais para adiantarse e axudar aos usuarios a evitar resultados indesexados.[14]
Notas
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
