Migas de pan

Migas de pan é un filme uruguaio-galego de 2016 dirixido por Manane Rodríguez. Está protagonizado por Cecilia Roth e Justina Bustos.^[2] Foi escollido como candidato do Uruguai para o Óscar ó mellor filme en lingua non inglesa na 89ª edición dos premios, mais finalmente non foi nomeado.^[3]

Migas de pan
Ficha técnica
Título orixinal	Migas de pan
Director	Manane Rodríguez
Produtor	Chelo Loureiro
Guión	Manane Rodríguez Xavier Bermúdez
Intérpretes	Cecilia Roth Justina Bustos María Pujalte Margarita Musto Stefanía Crocce Sonia Méndez Nuria Fló Patxi Bisquert Sergio Quintana Ernesto Chao María Vidal Artur Trillo
Fotografía	Diego Romero Suárez-Llanos
Montaxe	Sandra Sánchez
Estudio	Xamalú Filmes RCI Producciones
Estrea	14 de agosto de 2016
Duración	109 minutos
Orixe	Galicia Uruguai
Xénero	Drama
Recadación	18.341,39 € [1]
Na rede

Na 15ª edición dos Premios Mestre Mateo, o filme foi nomeado en tres categorías, mellor filme, mellor guión e mellor maquillaxe e peiteado, mais finalmente non conseguiu ningún dos galardóns.

Estreouse en galego o 6 de marzo de 2021 na tvG2.^[4]

Sinopse

A moza Liliana Pereira (Justina Bustos), en Montevideo, universitaria e nai dun bebé, participa nas loitas estudantís contra a ditadura cívico-militar no seu país. Xunto a outras mulleres, é secuestrada, encerrada e torturada, e desposuída da patria potestade do seu fillo. O apoio mutuo coas súas compañeiras de reclusión fortalécea e acompáñaa. Tras anos de exilio en España, e ó decatarse de que será avoa, Liliana Pereira (Cecilia Roth) decide volver ó Uruguai para participar coas súas excompañeiras na denuncia do inferno sufrido na súa mocidade e para recuperar os vínculos sentimentais co seu fillo.

Elenco

• Cecilia Roth como Liliana Pereira
• Justina Bustos como Liliana Pereira (moza)
• Patxi Bisquert
• Ernesto Chao
• María Pujalte
• Margarita Musto
• Quique Fernández
• Andrea Davidovics
• Ignacio Cawen
• Stefanía Crocce
• Sonia Méndez
• Nuria Fló
• Inés Lage
• Sergio Quintana
• María Vidal
• Artur Trillo

Galardóns e nomeamentos

Premios Mestre Mateo

Ano	Categoría	Receptor	Resultado
15ª edición	Mellor filme	Manane Rodríguez	Nomeado
	Mellor guión	Manane Rodríguez, Xavier Bermúdez	Nomeados
	Mellor maquillaxe e peiteado	Susana Veira, Yolanda Sousa, Mariana Correa, Sandra Ramos, María Laura Rebora	Nomeadas