Manuel Santa Cruz

Manuel Ignacio Santa Cruz Loidi, coñecido como o crego de Santa Cruz, nado en Elduain o 23 de maio de 1842 e finado en Pasto (Colombia) o 10 de agosto de 1926, foi un sacerdote e guerrilleiro carlista vasco.

Manuel Santa Cruz

Biografía
Nacemento	(es) Manuel Ignacio Santa Cruz Loidi 23 de maio de 1842 Elduain, España
Morte	10 de agosto de 1926 (84 anos) Buesaco, Colombia (pt)
Outros nomes	Cura Santa Cruz Santa Kruz apaiza
Relixión	Catolicismo
Actividade
Campo de traballo	Missionary work (en)
Ocupación	sacerdote católico, misioneiro, sacerdote
Carreira militar
Conflito	Terceira Guerra Carlista
Orde relixiosa	Compañía de Xesús

Traxectoria

Estudou no seminario en Vitoria, e foi destinado como párroco a Hernialde. Tras a revolución de 1868 realizou propaganda activa en favor do carlismo, mais tras ser detido en outubro de 1870, conseguiu fuxir cara a Francia. En abril de 1872, ao comezo da Terceira Guerra Carlista, atravesou a fronteira e púxose á cabeza dunha pequena partida. Detido en agosto, conseguiu fuxir de novo e refuxiarse en Francia para pasar outra vez a fronteira en decembro e pórse á fronte dos seus homes. Actuou na provincia de Gipúscoa, converténdose nun dos líderes guerrilleiros con máis sona pola súa valentía, pero tamén pola súa crueldade. Entrou en conflito cos mandos militares carlistas pola súa independencia e viuse obrigado a deixar a loita e pasar a Francia en xullo de 1873, se ben volveu en decembro por pouco tempo. Exiliouse en Lille e Londres. Ingresou na Compañía de Xesús e realizou un labor misioneiro en Xamaica e Colombia.

Véxase tamén

Bibliografía

• Vernoville, G. (2000). La cruz sangrienta. Historia del cura Santa Cruz. Txalaparta.