From Wikipedia, the free encyclopedia
A Madonna de Bruxas é unha escultura realizada en mármore por Michelangelo no ano 1504. De 1,23 metros de altura, atópase na igrexa da Nosa Señora de Bruxas (cidade da actual Bélxica).
| Madonna de Bruxas | |
|---|---|
 | |
| Artista | Michelangelo |
| Data | 1501-1504 |
| Dimensións | 1,23 m cm × cm |
Foi realizada inmediatamente despois que a Piedade do Vaticano, por encarga duns mercadores flamengos, os Mouscrom. A Virxe e o Neno presentan parecido movemento nas vestiduras coa citada Piedade, pero aquí o grupo adquire unha solemnidade plástica, debido á súa verticalidade, parecida a unha arquitectura. O rostro da Virxe é ovalado, de gran beleza clásica, e queda enmarcado polas ondulacións do veo. Áchase coma se estivese nun momento de pensamento profundo, mostrándose cunha gran serenidade, mentres o Neno, de pé, está recostado entre as pernas da súa nai e xunta a súa man coa dela, dándolle coa enerxía deste xesto a sensación dinámica que el sostén.
Por unha carta de Giovanni Balducci dirixida a Michelangelo con data 14 de agosto de 1506, infórmase do traslado da escultura a Bruxas por Giovanni e Alessandro Moscheroni. Foi colocada nunha capela da igrexa da Nosa Señora, onde a viu Dürer en 1521.
Na época de Napoleón foi levada a Francia e devolta a Bruxas en 1815. Sufriu outra subtracción similar por parte das tropas alemás na segunda guerra mundial, pero rematou regresando á súa situación orixinal grazas ao Programa de Monumentos, Arte e Arquivos. Esta peripecia foi reflectida na película The Monuments Men (2014), protagonizada por George Clooney.
 |
 |
Wikimedia Commons ten máis contidos multimedia na categoría: Madonna de Bruxas  |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
