Músculo pronador redondo

O músculo pronador redondo é un músculo do membro superior humano situado na rexión anterior do antebrazo.

Músculo pronador redondo
Vista anterior do antebrazo esquerdo. Pronador redondo en azul.
Latín	musculus pronator teres
Orixe	Cabeza do úmero: epicóndilo medial e crista supracondílea Cabeza do cúbito: zona medial da apófise coronoide
Inserción	Metade da cara lateral do radio
Vascularización	Arteria ulnar e arteria radial
Innervación	Nervio mediano
Accións	Pronación do antebrazo e flexión do cóbado
Antagonista	Músculo supinador

Orixe e insercións

A súa orixe áchase no epicóndilo medial do úmero e na crista supracondílea do mesmo óso. Algunhas febras parten do bordo medial da apófise coronoide do cúbito. A inserción caudal localízase na superficie lateral da diáfise radial.

Función

A principal función do pronador redondo é a pronación do antebrazo, xirando a man cara a atrás, aínda que tamén realiza unha pequena flexión do cóbado ou axuda a flexionalo cando exista unha forte resistencia.

Innervación

É innervado polo nervio mediano.

Vascularización

Recibe pólas da arteria radial e da arteria cubital.

Galería de imaxes

• 
  Músculo pronador redondo destacado en vermello
• 
  Corte transversal do antebrazo
• 
  Corte transversal a través dos extremos distais do radio e do cúbito
• 
  Disección músculos superficiais do brazo

Wikimedia Commons ten máis contidos multimedia na categoría:  Músculo pronador redondo