competición deportiva galega From Wikipedia, the free encyclopedia
A Liga Noroeste de Traiñeiras ou Liga Galega de Traiñeiras é unha competición de traiñeiras que se disputa dende 2003 nas provincias de Pontevedra e A Coruña. Esta competición está composta dunha serie de bandeiras ou regatas en diferentes localidades ao longo da tempada estival. A Liga Galega de Traiñeiras está formada actualmente por dúas categorías na competición masculina, A e B (con 10 e 6 embarcacións respectivamente), e unha categoría feminina con 6 equipos. Todas as embarcacións son galegas excepto unha, a embarcación eonaviega do Club de Mar Castropol, da localidade galegofalante de Castropol (Asturias).
Esta competición atópase xusto por debaixo da Liga ACT (chamada Liga Eusko Label por razóns publicitarias), a máxima categoría deste deporte en España. Os dous primeiros clasificados da Liga Galega de Traiñeiras compiten polo ascenso á Liga ACT xunto aos dous primeiros clasificados da Liga ARC e o penúltimo clasificado da Liga ACT.
Historia
Na tempada 2019 a Liga Galega de Traiñeiras fixo historia ao converterse na primeira competición galega en igualar as condicións de competición e premios nas categorías feminina e masculina.[1]
