Gaivota alegre

A gaivota alegre,^[2][3] ás veces gaivota chorona americana,^[4][5][6] é unha ave pertencente á familia dos láridos.

Gaivota alegre
Gaivota alegre en voo
Estado de conservación
Pouco preocupante[1]
Clasificación científica
Reino: Animal Filo: Chordata Clase: Aves Orde: Charadriiformes Familia: Laridae Xénero: Leucophaeus Especie: L. atricilla
Nome binomial
'Leucophaeus atricilla' Linnaeus, 1758
Sinonimia
Larus atricilla

Características

A especie presenta tres grupos de idade^[7]. Os adultos teñen as ás grises escuras. Cabeza negra co ollo rodeado dunha liña branca^[7]. O peteiro e as patas son escuras. O seu tamaño é semellante ó da chorona e a cana^[7].

Distribución

Cría nas costas atlánticas norteamericanas, no golfo de México e no mar Caribe^[8]. Inverna na costa máis meridional dos Estados Unidos, golfo de México, Caribe e chega ata Venezuela.^[8] Considérase divagante en Europa, sobre todo nas Illas Británicas e Francia.^[8] Na Península Ibérica e en Galicia existen citas históricas, mais a especie considérase unha rareza^[8].