Lagarto das silvas

O lagarto das silvas^[1] ou lagarto das silveiras^[2][3] (Lacerta schreiberi, Bedriaga, 1878) é unha especie da familia Lacertidae.

Lagarto das silvas
Estado de conservación
Case ameazada
Clasificación científica
Reino: Animalia Filo: Chordata Clase: Reptilia Orde: Squamata Familia: Lacertidae Xénero: Lacerta Especie: L. schreiberi
Nome binomial
Lacerta schreiberi Bedriaga, 1878
Distribución na Península Ibérica Distribución na Península Ibérica

Descrición

Lagarto das silvas a tomar o sol

É un lagarto de cabeza curta e ancha; a cola é o dobre de longa cá lonxitude do corpo. Esta especie, en xeral, é verde e co abdome amarelento. Os machos, ademais conteñen unha coloración case negra, substituída nas femias por unha cor parda e na época de celo o macho ten o pescozo azulado. A súa lonxitude total non supera os 4 dm. Cando é perseguido non dúbida en gabear ás árbores. Só vive nas montañas do oeste da Península Ibérica. Tende a habitar en lugares húmidos, como nas beiras dos ríos. A alteración do seu hábitat está a provoca-la mingua da súa poboación.

Etimoloxía

O nome da especie é unha homenaxe ao zoólogo austríaco Egid Schreiber (1836-1913).^[4]