Juan Fernández (baloncestista)

Juan Francisco Fernández, nado o 21 de novembro de 2002 en Santa Fe, é un xogador de baloncesto profesional internacional arxentino. Formado nas categorías inferiores do Club Atlético Unión e do Baloncesto Fuenlabrada, actualmente xoga para o Bàsquet Girona da Liga ACB. Cunha altura de 2,10 m, xoga na posición de pivote.^[1]

Juan Fernández

(2023)
Biografía
Nacemento	21 de novembro de 2002 (21 anos) Santa Fe, Arxentina
Actividade
Ocupación	baloncestista
Deporte	baloncesto
Posición de xogo	Ala-pivote e Pivote

Traxectoria

Nado en Santa Fe, na Arxentina, Fernández formouse nas categorías inferiores do Club Atlético Unión, club da súa cidade natal.^[2] En 2019 cruzou o Atlántico para unirse á canteira do Baloncesto Fuenlabrada, equipo co que debuta na Liga ACB o 14 de novembro de 2021 ante o Real Madrid no Polideportivo Fernando Martín. Tras dúas temporadas na máxima categoría co equipo castelán, após o descenso deste último o 15 de xullo de 2023 anúnciase a súa fichaxe polo Río Breogán da ACB.^[3]

O 10 de xuño de 2024, anunciouse a súa fichaxe polo Bàsquet Girona da Liga ACB.^[4]

Clubs

Ao longo da súa carreira, Fernández ten xogado para os seguintes equipos profesionais:^[1]

• Baloncesto Fuenlabrada (ACB, 2021−2022)
• CB Breogán (ACB / BCL, 2023−2024)
• Bàsquet Girona (ACB, 2024−presente)

Notas

1. "Juan Fernández, Basketball Player". Proballers (en inglés). Consultado o 15 de xullo de 2023.
2. "Juan Fernández pone el acento argentino al Río Breogán". Marca (en castelán). 15 de xullo de 2023. Consultado o 15 de xullo de 2023.
3. "Juan Fernández, novo xogador do Río Breogán". CB Breogán. 15 de xullo de 2023. Consultado o 15 de xullo de 2023.
4. "Juan Fernández ficha por el Bàsquet Girona". ACB.com. 10 de xuño de 2024. Consultado o 10 de xuño de 2024.

Véxase tamén

Ligazóns externas

• Perfil en acb.com (en castelán)
• Perfil en Proballers (en inglés)