Jean-Pierre Melville

Jean-Pierre Grumbach, coñecido como Jean-Pierre Melville, nado en París o 20 de outubro de 1917 e finado na mesma cidade o 2 de agosto de 1973 foi un cineasta francés.

Jean-Pierre Melville

Biografía
Nacemento	(fr) Jean-Pierre Claude Grumbach 20 de outubro de 1917 9º distrito de París, Francia
Morte	2 de agosto de 1973 (55 anos) 13º distrito de París, Francia
Causa da morte	infarto agudo de miocardio
Lugar de sepultura	Cimetière parisien de Pantin (pt)
Educación	Liceo Michelet
Actividade
Ocupación	actor, produtor de cinema, guionista, director de cinema, realizador
Período de actividade	1945 - 1973
Familia
Irmáns	Jacques Grumbach
Premios
Cabaleiro da Lexión de Honra

Traxectoria

Melville era fillo de Berthe e Jules Grumbach,^[1] xudeus alsacianos. Trala caída de Francia en 1940 durante a segunda guerra mundial entrou na resistencia francesa oposta aos nazis. Durante a guerra adoptou o pseudónimo Melville, polo seu escritor favorito, Herman Melville.^[2]

Cando volveu da guerra intentou converterse en axudante de director, pero foi rexeitado. Sen este apoio decidiu dirixir os seus propios filmes e continuou a empregar Melville como nome artístico, chegando a ser un cineasta independente e propietario dun estudio.

Foi especialmente coñecido polos seus dramas criminais tráxicos e minimalistas, como Le Doulos (1962), Le Samouraï (1967) e O círculo bermello (1969), protagonizados por actores como Alain Delon, Jean-Paul Belmondo e Lino Ventura. A súa independencia e estilo de rodaxe foron unha grande influencia na nouvelle vague.

Melville faleceu en 1973 vítima dun infarto de miocardio.

Filmografía

Ano	Título	Notas
1945	Vingt-quatre heures de la vie d'un clown	Curtametraxe
1949	Le Silence de la mer
1950	Les Enfants terribles
1953	Quand tu liras cette lettre
1956	Bob le flambeur
1959	Deux hommes dans Manhattan
1961	Léon Morin, prêtre
1962	Le Doulos
1963	L’Aîné des Ferchaux
1966	Le Deuxième Souffle
1967	Le Samouraï
1969	O exército das sombras
1970	O círculo bermello
1972	Un flic