Indusio

O indusio é unha superficie membranosa ou pelosa presente nos fieitos que recobre os esporanxios^[1]. A súa misión é protexer aos esporanxios das condicións ambientais desfavorables mentres as esporas non maduran. Unha vez que a formación das esporas rematou permiten a liberación das mesmas.

Esporanxio dunha briófita ou musgo.

Xeralmente a forma do indusio é laminar, aínda que cada xénero pode ter a súa morfoloxía propia, podendo ter forma lanceolada, lineal, tubular, de ril... ^[2][3] No que respecta á orixe do indusio, esta é epidérmica.