Illa Roti

Illa Roti (Pulau Roti, tamén escrito Rote) é unha illa de Indonesia, parte da provincia de East Nusa Tenggara nas Illas menores da Sonda. Segundo a lenda, esta illa recibiu o seu nome por accidente cando uns mariñeiros portugueses perdidos chegaron e preguntaron a un labrego onde estaban. O granxeiro sorprendido, non falaba portugués e presentouse, "Roti".

Illa Roti

Localización
10°44′37″S 123°07′06″L
Estado	Indonesia
Provincia	Sonda Oriental (pt)
Kabupaten	Kupang (en)
Xeografía
Parte de	Timor archipelago (en)
Superficie	1.227 km²
Bañado por	Mar de Timor e Océano Índico
Altitude	320 m

foto de satélite da illa Roti

Xeografía

Roti está a 500 km ao noroeste da costa de Australia e a 170 km ao norte das Illas Ashmore e Cartier. A illa está situada ao suroeste da illa de Timor. Ao norte atópase o Mar de Savu, e ao sur esta o Mar de Timor. Ao oeste atópanse Savu e Sumba. A deshabitada illa Ndana, xusto ao sur de Roti, cunha superficie de 14 km², é a máis meridional illa de Indonesia. Xunto con algunhas outras pequenas illas próximas, como Ndao, forma parte do kabupaten (rexencia) de Roti Ndao Regency, que no censo decenal de 2010 tiña unha poboación de 119.711 hab.^[1] A Illa de Roti ten unha superficie de 1.214 km².

A cidade principal, Ba'a, atópase no lado norte da illa. Roti ten unha boa zona para practicar Surf no sur preto da aldea de Nemberala. Hai un transbordador diario desde a illa a Kupang, a capital da provincia de Timor Occidental, que proporciona transporte para os pasaxeiros e mercancías locais, así como aos turistas. A viaxe entre Kupang e Ba'a leva ao redor de dúas horas.

Roti componse de outeiros, plantacións en socalcos, palmeiras de acacia, sabana e algúns bosques.

Economía

Mercado da Cidade de Ba´a, Roti

Os Rotineses dependen, como os Savuneses, da palma de palmira para a supervivencia básica, pero tamén como un complemento aos seus ingresos ademais da pesca e da fabricación de xoias.

A agricultura é a principal forma de emprego. A pesca tamén é importante, especialmente na localidade oriental de Papela, o que deu lugar a disputas con Australia sobre as augas xurisdicionais entre eles.^[2]

Atraccións turísticas

Roti ten moitas ruínas históricas incluíndo antigüidades de porcelana chinesa, así como artes e tradicións antigas. Varias figuras prominentes de Indonesia naceron en Roti. Un instrumento de música popular, o Sasando, está feito de follas de palma.

Na parte oriental da illa atópase un estanque na vila de Landu que ten medusas non velenosas. O estanque tamén ten unha praia de area branca.^[3]

Galería

• 
  A praia de Nusa Manuk (Illa Manuk), Suroeste Roti
• 
  O Raxa de West Rote en Ndana Island en 2007
• 
  Un percusionista rotinés co chapeu tradicional
• 
  Xefe Korbafo con guerreiros, 1900.
• 
  Dous Rotineses en 1899-1900

Notas

1. "Copia arquivada". Arquivado dende o orixinal o 23 de agosto de 2011. Consultado o 19 de agosto de 2015.
2. Jill Elliott, 1996, "Fishing in Australian Waters," Inside Indonesia vol. 46 http://www.insideindonesia.org/edit46/elliott.htm Arquivado 28 de agosto de 2008 en Wayback Machine.; Richard Tanter, 2000, "After fear, before justice: Indonesia and Australia over the long haul, as if ethics mattered." Inside Indonesia vol. 61 http://www.insideindonesia.org/edit61/richard.htm Arquivado 23 de xullo de 2008 en Wayback Machine.
3. "Tujuh Danau Ubur-Ubur Unik di Indonesia". Arquivado dende o orixinal o 23 de outubro de 2017. Consultado o November 5, 2014.

Véxase tamén

Ligazóns externas

• Rote en www.indonesia-tourism.com
• Música das Illas de Roti e Lombok Arquivado 30 de maio de 2020 en Wayback Machine.