Fundación Otero Pedrayo

A Fundación Otero Pedrayo é unha fundación cultural de carácter privado que ten como obxectivo o mantemento e promoción da memoria colectiva sobre o escritor e intelectual ourensán Ramón Otero Pedrayo, chamado "Patriarca das Letras Galegas", a través das actividades lembradoiras propias dunha fundación destas características, e da custodia da súa Casa-Museo no lugar de Cimadevila, na parroquia de Trasalba, no concello de Amoeiro. Desde 2021 o seu presidente é Xosé Eduardo López Pereira^[1].

Fundación Otero Pedrayo
Casa-Museo Otero Pedrayo, sede da Fundación en Trasalba (Amoeiro).
Tipo	fundación e biblioteca especializada
Data de fundación	1979
Nomeado en referencia a	Ramón Otero Pedrayo
Presidente/a	Eduardo López Pereira (2021-)
Premios	Premio Otero Pedrayo e Premio Otero Pedrayo
Localización
Sede	Casa grande de Cima de Vila
Enderezo	Casa Grande de Cimadevila
En	Trasalba
País	Galicia
42°21′47″N 7°58′35″O
Na rede
http://fundacionoteropedrayo.org/
[ editar datos en Wikidata ]

Organización

Ramón Otero Pedrayo, sen herdeiros directos, deixou unha manda no seu testamento pola que legaba a súa Casa Grande de Trasalba a Galicia, representada para o efecto pola Editorial Galaxia.^[2] Para cumprir a súa vontade, uns meses despois da súa morte, o 10 de abril de 1976, creouse un Padroado que axiña constituíse unha fundación cultural independente. Foi recoñecida por Orde Ministerial do 19 de xullo de 1979^[3] e como fundación de interese galego en 2003 por orde da Xunta de Galicia.^[4]

Actividades

Entrada á casa.

A Fundación promove distintas actividades culturais ao longo do ano, tanto na Casa Grande de Cimadevila, como noutras localizacións. Desde lembranzas a vellos amigos, a homenaxes nos seus aniversarios. Unha das máis recoñecidas é a celebración dunha festa anual -o último domingo de xuño de cada ano- na que se entrega, ininterrompidamente dende 1983, o Premio Trasalba a senlleiros valedores da cultura galega.

A Fundación edita publicacións relativas á cultura galega, tanto propias de Otero Pedrayo coma dos personaxes galardoados cada ano co Premio Trasalba.^[5]

Notas

1. Elisabet Fernández (25 de abril de 2021). "Buciños recolle o Trasalba: "Grazas a don Ramón fago escultura que comunica"". La Región.
2. Arias Chachero, Patricia (2018). "Os testamentos de Ramón Otero Pedrayo". Grial (218): 47–57.
3. Ministerio de Educación (18 de setembro de 1979). "ORDEN de 19 de julio de 1979 por la que se reconoce e inscribe en el Registro de las Fundaciones Culturales Privadas a la Fundación «Patronato Otero Pedrayo», de Amoeiro (Orense)" (PDF). BOE.
4. Consellería de Cultura, Comunicación Social e Turismo (8 de agosto de 2003). "ORDE do 14 de xullo de 2003 pola que se declara de interese galego a Fundación Otero Pedrayo e se ordena a súa inscrición no Rexistro de Fundacións de Interese Galego". DOG.
5. "Publicacións e didáctica". Fundación Otero Pedrayo.

Véxase tamén

Ligazóns externas

• Páxina web da Fundación