Frederick Douglass
From Wikipedia, the free encyclopedia
Frederick Augustus Washington Bailey, nado en Cordova, Maryland, en febreiro de 1817 ou 1818[1][2][3][4] e finado en Washington, D.C., o 20 de febreiro de 1895 foi un reformador social, abolicionista, orador, escritor e estadista estadounidense coñecido como Frederick Douglass. Converteuse no máis importante líder afroamericano polos dereitos civís do século XIX.
Traxectoria
Tras escapar da escravitude en Maryland en 1838, Douglass converteuse no líder nacional do movemento abolicionista en Massachusetts e Nova York e gañou sona pola súa oratoria[5] e polos seus incisivos escritos antiescravistas. Ademais, foi descrito durante a súa vida como un contraexemplo vivente das afirmacións dos escravistas de que que os escravos carecían de capacidade intelectual suficiente para ser cidadáns estadounidenses.[6] Os norteños da época atopaban difícil de crer que tan bo orador fose antes un escravo. Como resposta a isto, Douglass escribiu a súa primeira autobiografía.[7]
Douglass escribiu tres autobiografías, describindo a súa experiencia como escravo en Narrative of the Life of Frederick Douglass, an American Slave (1845), que foi un éxito de vendas e foi influente na promoción da causa da abolición, igual que o seu segundo libro, My Bondage and My Freedom (1855). Trala guerra civil estadounidense, Douglass mantívose activo en prol dos dereitos dos escravos liberados e escribiu a súa última autobiografía, Life and Times of Frederick Douglass. Douglass apoiou tamén activamente o sufraxio feminino e ocupou varios cargos públicos. Sen o seu consentimento, Douglass foi o primeiro afroamericano nomeado para a vicepresidencia dos Estados Unidos, como dupla electoral de Victoria Woodhull polo Equal Rights Party.[8]
Notas
Véxase tamén
Wikiwand - on
Seamless Wikipedia browsing. On steroids.