Remove ads
Folerpa de Neve,[Cómpre referencia] nado en Guinea Ecuatorial cara a 1964 e finado en Barcelona o 24 de novembro de 2003, foi un Gorilla gorilla, pertencente á subespecie Gorilla gorilla gorilla. Foi a principal atracción do Parque Zoolóxico de Barcelona por se-lo único gorila albino coñecido. Calcúlase que naceu cara ao ano 1964 e morreu por eutanasia o 24 de novembro de 2003 en Barcelona. Tiña uns 39 anos no momento da súa morte, aspecto a destacar, tendo en conta que a media de vida dun gorila criado en liberdade rolda os 25 anos.
| Folerpa de Neve | |
|---|---|
 Folerpa de Neve no zoo. | |
| Outros nomes | Nfumu Ngui Floquet de Neu |
| Especie | Gorilla gorilla gorilla |
| Sexo | Macho |
| Nacemento | c. 1964 Guinea Ecuatorial |
| Falecemento | 24 de novembro de 2003 (39 anos) Barcelona,  Cataluña |
| Dono | Parque Zoolóxico de Barcelona |
| Coñecido por | Único gorila albino coñecido |
| Fillos | 22 |
Remove ads
O nome orixinal en lingua fang era Nfumu Ngui (que significa "gorila branco"), e o primatólogo Jordi Sabater Pi renomeouno como Floquet de Neu.[1] Inicialmente presentado á Tele/Expres como Blancaneus, finalmente triunfou o nome de Sabater cando a revista da National Geographic o trouxo á portada de marzo de 1967 baixo o nome de Snowflake. O nome tamén foi posteriormente traducido ó castelán como Copito de Nieve. O propio Sabater chamábao Floquet ou Copi, e nos últimos anos Nfumu. O asteroide 95962 Copito, descuberto polo astrónomo J.Manteca no observatorio de Begues, foi chamado así na súa honra.[2]
Remove ads
Foi capturado nas aforas da cidade de Nko (Río Muni, actualmente Guinea Ecuatorial) o 1 de outubro de 1966 por un cazador da etnia fang chamado Benito Mañé, que abateu un gorila e maila súa parella, atopando despois o pequeno gorila branco a carón da súa nai. Posteriormente, Mañé vendeuno a Jordi Sabater Pi por unhas 20.000 pesetas das de entón. Sabater era o conservador do Centro de Experimentación Zoolóxica de Ikunde, dependente do Zoo de Barcelona. O 1 de novembro de 1966 foi levado a Barcelona e posteriormente ó Parque Zoolóxico.
O día de San Xosé de 1967 foi recibido en audiencia oficial polo alcalde Josep Maria de Porcioles. O feito de se-lo único gorila albino do mundo fixo que axiña se convertese nun animal emblemático da cidade de Barcelona.
Por outra banda, aínda que tivo 22 descendentes, polo de agora ningún deles herdou a súa cor branca característica. Dende o 2001 sufría un tipo de cancro de pel pouco común, posibelmente por mor do seu albinismo. En setembro de 2003 anunciouse que estaba á morte,[3] e ó mes aplicóuselle a eutanasia.
Son moitas as cartas que chegaron ó Zoo de Barcelona pedindo a clonación de Folerpa de Neve, converténdoo nun dos animais máis solicitados para a súa clonación. Ademais, o zoolóxico garda mostras do seu ADN.
Remove ads
Folerpa de Neve.
Folerpa de Neve.
Folerpa de Neve no 2003.
Sala de exposición do Zoo de Barcelona dedicada a Folerpa de Neve.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads