Europa (foguete)

Europa ( pronunciación ) foi o nome dunha serie de foguetes europeos desenvolvidos na década de 1960 pola ELDO (European Launcher Development Organisation) e composta polo Europa I e o Europa II.^[1][2][3]

Europa I / Europa II
Función	Lanzador espacial lixeiro
país de orixe	Europa[1][2]
Tamaño
altura	33,0 m (Europa I)[1], 31,7 m (Europa II) [3]
diámetro	3,05 m[1][3]
masa	104.670 kg (Europa I)[1], 111.700 kg (Europa II)[3]
Etapas	3 (Europa I)[1], 4 (Europa II)[3]
Carga LEO
masa	200 kg (Europa I)[1], 1160 kg (Europa II)[3]
Carga GTO
masa	360 kg (Europa II)[3]
Lanzamento históricos
Estado	Retirado[1][3]
Sitios	Woomera (Europa I)[1], Centro Espacial de Kourou (Europa II)[2][3]
Total de lanzamentos	7 (Europa I)[1], 1 (Europa II)[2][3]
exitosos	2 (Europa I)[1], 0 (Europa II)[2][3]
fallos	5 (Europa I)[1], 1 (Europa II)[3]
Voo inaugural	23 de maio de 1966 (Europa I)[1], 5 de novembro de 1971 (Europa II)[1][2] (lanzamento único)
Último voo	12 de xuño de 1970 (Europa I)[1][2]
Primeira etapa – Blue Streak[1][2][3]
altura	18,75 m[1]
diámetro	3,05 m[1]
masa baleiro	6997 kg[1]
masa cheo	89.406 kg[1]
impulsado por	2 RZ.2[1][2]
potencia máxima	1672,671 kN[1]
Impulso específico	282 s (248 s a nivel do mar)[1]
propelente	Queroseno/oxíxeno líquido[1]
Segunda etapa – Coralie[1][2]
altura	5,70 m[1]
diámetro	2,00 m[1]
masa baleiro	2099 kg[1]
masa cheo	11.894 kg[1]
impulsado por	4 Vexin A[1]
potencia máxima	274,0 kN[1]
Impulso específico	277 s (240 s a nivel do mar)[1]
propelente	Tetróxido de nitróxeno/UDMH[1]
Terceira etapa – Astris[1][2]
altura	3,36 m[1]
diámetro	2,00 m[1]
masa baleiro	610 kg[1]
masa cheo	3370 kg[1]
impulsado por	1 Astris[1]
potencia máxima	23,33 kN[1]
Impulso específico	310 s[1]
propelente	Tetróxido de nitróxeno/Aerozine 50[1]
Cuarta (só Europa II) etapa – P068[2][3]
[ editar datos en Wikidata ]

Historia

Os foguetes Europa foron os primeiros lanzadores espaciais desenvolvidos por unha organización europea. O Europa I estaba formados por unha primeira etapa británica Blue Streak, unha segunda etapa francesa Coralie e unha terceira etapa alemá Astris, e o Europa II levaba unha cuarta etapa adicional P068. A cofia foi desenvolvida por Italia e os sistemas de seguimento do foguete, polos Países Baixos e Bélxica. Australia tamén participou no proxecto a cambiou do uso das instalación de lanzamento en Woomera. Só dous dos oito lanzamentos de proba tiveron éxito e o proxecto finalmente foi cancelado para dar paso ó desenvolvemento dos foguetes Ariane por parte da sucesora da ELDO, a ESA.^[1][2][3]

O plan para as probas dos foguetes tiña tres partes:

• Na fase 1 terían lugar tres voos suborbitais con tan só a primeira etapa para probar os cambios feitos nela para formar parte do foguete Europa e probar tamén algúns dos sistemas de guiado, seguimento e telemetría. Os lanzamentos fixéronse desde Australia occidental e realizáronse con éxito.
• Na fase 2 tamén habería tres voos suborbitais, coa primeira etapa Blue Streak e maquetas da segunda e terceira etapas. As maquetas serían substituídas en cada voo consecutivo polas correspondentes etapas funcionais: no segundo voo voaría unha segunda etapa funcional e no terceiro, a terceira etapa, completando o foguete.
• Na fase 3 levaríanse a cabo catro lanzamentos a órbita para declarar o foguete operativo en 1970.

De todas as fases, só a 1 finalizou con éxito. Todos os voos da fase 2 foron un fracaso, cos fallos concentrándose nas etapas 2 e 3. Para compensar os fallos, lanzouse un foguete adicional durante a etapa 2, que tamén fracasou. Fíxose un último intento cun Europa II, simplemente engadindo unha cuarta etapa, pero tampouco tivo éxito, poñendo fin ó programa de foguetes Europa. Tralo peche do programa, o Reino Unido abandonou a ELDO, dando fin ao mesmo tempo á organización. O programa de lanzadores renacería baixo a ESA e o liderado francés, o que daría lugar ós foguetes Ariane.

Historial de lanzamentos

Voo[1][2]	Data[1][2]	Rampla de lanzamento[1][2]	Carga[1][2]	Resultado[1][2]	Notas
1	23 de maio de 1966	Woomera	N/A	Éxito.	Primeiro voo suborbital con só a primeira etapa.
2	14 de novembro de 1966	Woomera	N/A	Éxito	Segundo voo suborbital con só a primeira etapa.
3	4 de agosto de 1967	Woomera	N/A	Fallo	Fallo da segunda etapa.
4	4 de decembro de 1967	Woomera	N/A	Fallo	Fallo da segunda etapa.
5	29 de novembro de 1968	Woomera	N/A	Fallo	Fallo da terceira etapa.
6	2 de xullo de 1969	Woomera	N/A	Fallo	Fallo da terceira etapa.
7	12 de xuño de 1970	Woomera	N/A	Fallo	A cofia non se separou.
8	5 de novembro de 1971	Centro Espacial de Kourou	N/A	Fallo	Fallo estrutural da etapa 3. Fin dos voos dos foguetes Europa

Notas

1. Mark Wade (2011). "Europa I" (en inglés). Consultado o 19 de xaneiro de 2013.
2. Gunter Dirk Krebs (2011). Gunter's Space Page, ed. "Europa" (en inglés). Consultado o 19 de xaneiro de 2013.
3. Mark Wade (2011). "Europa II" (en inglés). Consultado o 19 de xaneiro de 2013.

Véxase tamén

Wikimedia Commons ten máis contidos multimedia na categoría:  Europa