Estadio Alfredo di Stéfano

O Estadio Alfredo di Stéfano é un estadio de fútbol, situado na cidade de Madrid, en España. Adopta este nome en homenaxe a Alfredo di Stéfano, xogador do Real Madrid nos anos 1950 e 1960, e considerado un dos mellores xogadores da historia do fútbol mundial.

Estadio Alfredo di Stéfano
Datos
Coordenadas	40°28′36″N 3°36′51″O
Localización	Madrid, España
Construción
Inauguración	9 de maio de 2006
Arquitecto	Antonio Lamela
Estadio
Superficie	Céspede
Dimensións	105x68
Capacidade	7.624
Propietario	Real Madrid
Operadora	Real Madrid Club de Fútbol
Localía	Real Madrid Castilla
[ editar datos en Wikidata ]

O estadio sitúase na Ciudad Real Madrid de Valdebebas, entre o recinto feiral de IFEMA e o aeroporto de Madrid-Barajas. O encontro inaugural disputouse ante o Stade de Reims nun partido que culminou con vitoria madridista por 6-1. O defensa madridista Sergio Ramos tivo a honra de marcar o primeiro gol.

Este recinto é a sede de todos os partidos oficiais do primeiro filial madridista, o Real Madrid Castilla.

Datos de interese

• Capacidade: 7.000 espectadores, cifra que ascenderá ata as 25.000 localidades cando culmine a cuarta fase.
• Zona de prensa: conta con 2 sets de televisión, 4 cabinas para comentaristas e 10 cabinas de radio. Ademais hai 28 postos de prensa escrita e 32 de comentarista.
• Tecnoloxía: Ten as súas propias UCI (Unidade de Control de Instalacións) e UCO (Unidade de Control Organizativo). Ademais, a produción de auga quente obtense por medio de paneis termosolares situados na cuberta do edificio e conta con calefacción propia no terreo de xogo. Acceso para discapacitados.
• Estacionamento: Dispón de amplos aparcadoiros, con capacidade para máis de 800 vehículos, ademais dun aparcadoiro propio para autobuses e outro independente destinado para a afección visitante con capacidade para máis de 10 autobuses.
• Transporte máis próximo: Metro: Campo de las Naciones. Autobús: 112, 122.

Véxase tamén

Outros artigos

• Real Madrid Castilla