A carroucha das brañas ou queiroga das brañas[1] (Erica tetralix) L., é unha especie de urce do xénero Erica.
| Carroucha das brañas | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 | |||||||||||||||||
| Clasificación científica | |||||||||||||||||
| |||||||||||||||||
| Nome binomial | |||||||||||||||||
| 'Erica tetralix' L. | |||||||||||||||||
Pódese confundir facilmente coa especie Erica mackaiana, unha carroucha endémica do norte de Galiza, que medra riba dos 300 – 400 m entre as Serras Setentrionais e o mar Cantábrico, en prados húmidos, brañas e turbeiras. Diferénciase de E. tetralix porque pode acadar maior altura, até os 80 cm, as follas teñen pouca peluxe, as anteras das flores son parda-escuras, e os sépalos e froitos non posúen lanuxe.
Descrición
Trátase dun pequeno mato, un subarbusto perenne ramalludo duns 50 cm, coas franzas cubertas dunha vilosidade de pelos curtos e de glándulas.
As follas dispóñense en verticilos de catro, son estreitas e pequenas, de até 5 mm de lonxitude e de cor abrancazada polo envés. Están cubertas de pelos ríxidos.
As flores son miúdas, duns 7 cm, con lanuxe no ápice, e de cor rosadas a xeito de campá, en acios compactosde 5 a 12 flores que se inclinan ao final da súa floración, e follas nas volutas de catro (de aí o nome científico). cos pedicelos máis curtos que as flores. As anteras son pardo claras e os sépalos posúen lanuxe. Florea no verán e no outono. Distínguese doutros membros europeos do xénero Erica pola ausencia de anteras protuberantes.
O froito é unha cápsula aveludada.
Hábitat e distribución
O seu hábitat natural atópase nas áreas húmidas de Europa, principalmente na faixa atlántica occidental, dende a zona sur de Portugal até o centro de Noruega, e tamén en certas rexións pantanosas, afastadas da costa da Europa Central. Os ecosistemas son lamazais, pantanos, uceiras húmidas e bosques húmidos de coníferas, podendo chegar a se converter na especie dominante. Introduciuse nalgunhas partes de América do Norte e de Europa, como é o caso de Austria ou Suíza.
En Galiza aparece no norte, en brañas, prados húmidos de solos acedos (silíceos) e en turbeiras.
Sinónimos
- Erica tetralix var. parviflora Chevall. [1827]
- Erica tetralix var. anandra Coss. & Germ. [1861]
- Erica botuliformis Salisb. [1802]
- Tetralix septentrionalis E.Mey. [1839]
- Ericodes tetralix (L.) Kuntze [1898]
- Erica glomerata Salisb. [1796]
- Eremocallis glomerata Gray
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
