El Pilar, Madrid
From Wikipedia, the free encyclopedia
El Pilar é un barrio situado no noroeste da cidade de Madrid, pertencente ao distrito de Fuencarral-El Pardo. Tiña en 2014 unha poboación de 46.324 habitantes.
| |||||
| Localización | |||||
|---|---|---|---|---|---|
| |||||
| Estado | España | ||||
| Comunidade autónoma | Comunidade de Madrid | ||||
| Concello | Madrid | ||||
| Distrito | Fuencarral-El Pardo | ||||
| Poboación | |||||
| Poboación | 46.466 (2018) (34.169,17 hab./km²) | ||||
| Xeografía | |||||
| Superficie | 1,359881 km² | ||||
| Comparte fronteira con | |||||
_02.jpg)
_01.jpg)
Xeografía
Limita cos barrios de Mirasierra ao norte, Peñagrande ao oeste, Valdeacederas do distrito de Tetuán ao sur e La Paz ao leste. Está delimitado ao norte pola Avenida do Cardenal Herrera Oria, ao oeste pola Avenida da Ilustración e o Camino Ganapanes, ao sur pola rúa Sinesio Delgado e ao leste pola rúa Ginzo de Limia.
Historia
A construción do barrio, iniciada a principios da década de 1960, correu a cargo da iniciativa privada do promotor José Banús, que se aproveitou de amplas superficies dispoñibles (baleiras completamente de edificación) que pertenceran á Compañía de Xesús, e do chan barato, para construír grandes conxuntos de Vivenda de Protección Oficial con pisos modestos que albergasen á masiva inmigración obreira que empezaba a recibir Madrid, procedente de zonas rurais de toda España. As construcións, de calidade deficiente, aproveitaban ao máximo as parcelas en superficie e altura, sen atender apenas á necesidade de equipamentos, transporte público e servizos que semellante masificación de poboación requirise.
O descontento pola falta de servizos pronto comezou a organizarse para esixir o equipamento prometido pola inmobiliaria, pero será o proxecto dun centro comercial na vaguada do arroio da Veguilla o que intensificará a participación cidadá e centralizará as principais mobilizacións da asociación La Vaguada es Nuestra. As negociacións coa promotora e a administración foron duras e longas ata conseguir superficie para usos educativos, cívicos, recreativos e deportivos.
A partir de 1970 e aproveitando os grandes ocos sen construír que aínda quedaban, construíronse as edificacións coñecidas como Altamira e Iberia 2, de mellor calidade, orientadas a poboación de maior nivel económico, grazas á revalorización do chan, pola súa boa localización e a súa proximidade ás masas forestais da zona noroeste de Madrid.
En 1983 foi inaugurado o Centro Comercial La Vaguada, orixinalmente chamado Centro comercial Madrid, o primeiro destas características na cidade. A súa posta en marcha posibilitou novas formas nas relacións, facilitadas ademais pola nova rede viaria e a mellora dos transportes públicos.
Actualmente segue sendo un barrio fundamentalmente residencial, onde predominan os bloques de edificios altos, mesmo por encima de dez alturas, a pesar do cal conta con varios parques como son o Parque Norte, o Parque da Vaguada e o Parque de Altamira.
Equipamentos e servizos
A Xunta do distrito de Fuencarral-El Pardo está situada neste barrio, que tamén conta cun centro de saúde da Comunidade de Madrid e un centro de saúde municipal así como varios servizos máis:
- Biblioteca municipal
- Teatro de Madrid
- Centro Cívico de maiores
- Centro Cultural
- Centro Comercial La Vaguada
Posúe un gran polideportivo municipal con piscinas de verán, climatizadas, varios campos de fútbol e canchas de tenis, baloncesto e fútbol sala, ximnasio, pavillón polideportivo, etc. Tamén posúe outra piscina climatizada no parque da Vaguada.
Transporte e comunicacións
A Avenida da Ilustración, neste barrio, é o único tramo da circunvalación de Madrid M-30 que conta con semáforos e cruces a nivel coa Avenida de Betanzos e a rúa de Sangenjo.
Dúas liñas do metro de Madrid pasan polo barrio, que conta con tres estacións: Peñagrande, da liña 7, e Barrio del Pilar e Herrera Oria, da liña 9. Ademais, dan servizo ao barrio varias liñas de autobús urbano: 42, 49, 67, 83, 124, 126, 127, 128, 132, 133, 134, 137, 147 e os nocturnos N21, N22 e N23. Tamén paran as liñas de autobús interurbano 602 e 815.
Festividades
Coincidindo coas festas da Virxe do Pilar, a semana do 12 de outubro, o barrio celebra as súas festas, cunha gran feira, concertos, carpas de asociacións culturais e deportivas, colectivos do barrio ou partidos políticos.
Véxase tamén
Ligazóns externas
 |
Wikimedia Commons ten máis contidos multimedia na categoría: El Pilar, Madrid |
Wikiwand - on
Seamless Wikipedia browsing. On steroids.