El Museo Universal
From Wikipedia, the free encyclopedia
El Museo Universal foi unha revista editada na cidade española de Madrid entre 1857 e 1869.
| El Museo Universal | |
|---|---|
 | |
| Fundación | 15 de xaneiro de 1857 |
| Remata | 28 de novembro de 1869 |
| Lingua | castelán |
| Localidade | Madrid |
| Periodicidade | quincenal; semanal |
| ISSN | 1889-8440 |
| Descrito por | Apuntes para un catálogo de periódicos madrileños desde el año 1661 al 1870 (1894) |
| Na rede | |
| http://hemerotecadigital.bne.es/issn/1889-8440 | |
 | |
| [ editar datos en Wikidata ] | |
Historia
De distribución nun primeiro momento quincenal, que pasou a ser semanal. Publicouse entre 1857 e 1869 e contiña unha notable cantidade de láminas e gravados.[1][2] Os seus fundadores foron José Gaspar Maristany e Fernando Roig.[3] El Museo Universal foi herdeira de Semanario Pintoresco Español,[1] cuxa publicación finalizou precisamente en 1857, e, á súa vez, unha especie de xerme da revista La Ilustración Española y Americana, fundada en 1869.[4][a]
O seu principal director foi o xornalista Nemesio Fernández Cuesta y Picatoste,[6] do que Cecilio Alonso afirma que levou á revista a cruzar límites de «intencionalidade política» por encima do que se consideraba normal nunha revista ilustrada de arte, literatura e ciencia.[7] A partir de 1865 a revista tivo un importante colaborador en Gustavo Adolfo Bécquer.[8] Nela publicou tamén Manuel Murguía. Entre os artistas gráficos, contou con achegas de Valeriano Domínguez Bécquer,[b] Bernardo Rico,[9] Enrique Laporta,[11] Francisco Laporta,[9] Daniel Urrabieta,[c] Francisco Ortego,[6] Carlos Ribeira,[d] Federico Ruiz,[6] Tomás Carlos Capuz[13] ou Joaquín Sierra y Ponzano,[14] entre outros.
En palabras de Charnon-Deutsch, a aparición da revista —xunto ao da súa sucesora, La Ilustración Española y Americana— supuxo o que «España vise por fin "unha revista española ilustrada que combinase noticias do día a día cunha visión monumental do seu pasado nacional"»[15] e segundo Trancón Lagunas formaría xunto a Semanario Pintoresco Español e o Museo de las Familias «a triloxía de revistas máis importantes do século [en España] até a revolución do 68».[16]
Notas
Véxase tamén
Wikiwand - on
Seamless Wikipedia browsing. On steroids.