Efigenia Maseda Paz

Efigenia Maseda Paz, nada en Alfoz cara a 1964, é unha profesora e política galega.

Efigenia Maseda Paz

Biografía
Nacemento	1964 (59/60 anos) Alfoz, España
Alcaldesa de Alfoz
2023 –
Actividade
Ocupación	profesora de ensino secundario, política

Traxectoria

Foi traballadora do Concello de Alfoz, exercendo como educadora familiar, administrativa e animadora sociocultural. Xestionou a organización e coordinación do Mercado Medieval entre 2007 e 2009, evento co que continuou colaborando ata 2018. Traballou como docente en academias de Lugo na década dos anos noventa, e actualmente é profesora de Latín no IES Perdouro de Burela. Foi fundadora e presidente da candidatura Veciños Independentes de Alfoz (VIA) en 2015. En 2021 foi concelleira de Alfoz e portavoz de VIA logo da dimisión dos concelleiros Xabier Pardiñas e Carmen Geada.^[1] En abril de 2023 foi elixida cabeza de lista de VIA para as eleccións municipais de 2023.^[2] Foi elixida alcaldesa de Alfoz en xuño de 2023 grazas a un pacto co PSdeG-PSOE.^[3][4]

Predecesor: Jorge Val Díaz

Alcaldesa de Alfoz  2023 - actualidade

Sucesor: no cargo

Notas

1. González Rey, Ramón (7 de xuño de 2023). "Efigenia Maseda, de asumir la cabeza de lista de VIA hace dos meses a rozar la alcaldía de Alfoz". La Voz de Galicia. Consultado o 10 de agosto de 2023.
2. "Sorpresa en Alfoz: Efigenia Maseda, candidata dos independientes de VIA Alfoz para as municipais". La Voz de Galicia. 17 de abril de 2023. Consultado o 10 de agosto de 2023.
3. D., A. (16 de xuño de 2023). "Alfoz tendrá a su primera alcaldesa, la independiente Efigenia Maseda". El Progreso (en castelán). Consultado o 11 de agosto de 2023.
4. "Primer día de los que estrenan alcaldía". El Progreso (en castelán). 20 de xuño de 2023. Consultado o 10 de agosto de 2023.

Véxase tamén

Outros artigos

• Eleccións municipais en Alfoz