Dashiell Hammett

Samuel Dashiell Hammett, nado en Saint Mary's County (Maryland) o 27 de maio de 1894 e finado en Nova York o 10 de xaneiro de 1961, foi un escritor norteamericano de novela negra.

Dashiell Hammett

Biografía
Nacemento	27 de maio de 1894 Baltimore, Estados Unidos de América
Morte	10 de xaneiro de 1961 (66 anos) Nova York, Estados Unidos de América
Causa da morte	cancro de pulmón
Lugar de sepultura	Cemiterio Nacional de Arlington
Relixión	Igrexa católica
Educación	Baltimore Polytechnic Institute (en)
Actividade
Ocupación	escritor, xornalista, crítico literario, guionista, novelista, prosista
Período de actividade	1929 - 1961
Partido político	Partido Comunista dos Estados Unidos da América (pt)
Membro de	Civil Rights Congress (en)
Xénero artístico	Ficción detectivesca e novela policial
Carreira militar
Rama militar	Exército dos Estados Unidos de América
Conflito	Primeira guerra mundial segunda guerra mundial
Obra
Obras destacables (1925) The Gutting of Couffignal (en) (1928) The Dain Curse (en) (1929) Colleita vermella (1931) The Glass Key (en) (1934) The Thin Man (en) (1941) The Maltese Falcon
Arquivos en	Centro Harry Ransom [ MS-01814]
Familia
Cónxuxe	Josephine Dolan
Parella	Lillian Hellman
Descrito pola fonte	Obálky knih,

Tumba de Dashiell Hammett

Traxectoria

Aínda que a tendencia realista tanto nos contidos como na linguaxe xa comezara nos relatos de Ernest Hemingway, Hammett codificou o estilo de ficción protagonizada por "tipos duros", onde se representan os baixos fondos e as baixas paixóns que levan á xente real a cometer crimes. Como dixo Raymond Chandler:

"Hammett devolveulle o crime á xente que o cometía por unha razón, non só para proporcionar un cadáver; e cos medios que tiña a man, non con pistolas de duelo feitas a man, curare ou peixes tropicais. Puxo a esta xente no papel tal como eran, e fíxoos pensar e falar como o facían ao dedicárense a isto." ^[1]

O seu primeiro conto publicouse en Black Mask en 1923, e aí naceu o Continental Op baseado nas súas experiencias como detective da axencia Pinkerton. Até 1930 apereceria nuns 30 contos e en dúas novelas. A primeira delas foi Colleita vermella (1929), a primeira obra mestra da novela negra, representando unha serie de crimes sen fin nunha cidade corrupta que podería ser calquera grande urbe contemporánea.

A partir de 1929 apareceu o personaxe de Sam Spade, que será o arquetipo de detective "hard boiled", un tipo frío e solitario, co seu propio sentido da xustiza. A representación que del fixo Humphrey Bogart na película The Maltese Falcon (dirixida en 1941 por John Huston) sentou a base de toda unha tradición fílmica e introduciu un novo mito no imaxinario colectivo.

Retirada

Hammett deixou de escribir en 1934. Malia que intentou retomalo posteriormente, no momento da súa morte só quedaron uns capítulos dunha nova novela Tulip, que por primeira vez non era de detectives.

En 1951 cumpriu 5 meses de prisión por negarse a declarar ante o Comité de Actividades Antiamericanas sobre as súas actividades no Partido Comunista dos Estados Unidos.

Obras

• Colleita vermella (Red Harvest, 1929^[2])
• The Dain Curse ("A maldición dos Dain"; 1929)
• The Maltese Falcon ("O falcón maltés"; 1930)
• The Glass Key ("A chave de cristal"; 1931)
• The Thin Man ("O home delgado"; 1934)
• The Big Knockover ("O gran golpe"; relatos)

Traducións ao galego

Á altura de 2019, amais da novela Colleita vermella, fora traducido e publicado en galego o relato "Só poden enforcalo unha vez", dentro da Antoloxía do relato policial^[3]