A Consellería de Cultura, Lingua e Xuventude é unha consellería da Xunta de Galicia con competencias na xestión e promoción da cultura, así como da protección do patrimonio, a promoción e protección de lingua e da promoción de políticas de cara á mocidade. Noutros tempos encargouse do fomento do deporte, da área de turismo e estivo fusionada coa consellería de Educación. O seu actual titular é José Carlos López Campos.
![Thumb](http://upload.wikimedia.org/wikipedia/commons/thumb/8/88/Rom%C3%A1n_Rodr%C3%ADguez_Gonz%C3%A1lez%2C_conselleiro_de_Cultura%2C_Educaci%C3%B3n_e_Ordenaci%C3%B3n_Universitaria.jpg/320px-Rom%C3%A1n_Rodr%C3%ADguez_Gonz%C3%A1lez%2C_conselleiro_de_Cultura%2C_Educaci%C3%B3n_e_Ordenaci%C3%B3n_Universitaria.jpg)
Historia
A consellería de Cultura viviu ao longo dos anos diversas modificacións, tanto en competencias como en denominacións. Os principais elementos de variación foron o turismo (unha área que tamén correspondeu á consellería de Industria e o deporte (que ás veces correspondeu a outras consellerías, como Familia e outras veces dependeu directamente do presidente da Xunta co rango de secretaría xeral. O primeiro conselleiro foi Xosé Filgueira Valverde, en calidade de asesor especial do presidente Xerardo Fernández Albor. Posteriormente consolidouse como unha das consellerías fundamentais. Ademais, durante o período dun ano ao remate da era Albor, asociouse con Benestar social.
Ademais. entre 1983 e 1986 foi integrada na estrutura da consellería de Educación, fusión que volveu repetir a partir de 2012. Dende 2018 ata 2020 recupera a súa independencia como Cultura e Turismo, pasando a partir de 2020 a ser fusionada de novo con Educación e Universidade. En 2024 recuperou a súa independencia como Cultura, Lingua e Xuventude.
Conselleiros
- Xosé Filgueira Valverde (1982–1983). Como conselleiro adxunto ao presidente en materia cultural.[1] A partir de finais de 1982 fíxoo co nome de conselleiro para a Cultura.[2]
- Alejandrino Fernández Barreiro (1986–1987). Como conselleiro de Cultura e Benestar Social: .
- Alfredo Conde (1987–1990). Como conselleiro de Cultura e Deportes.
- Daniel Barata Quintas (1990–1993). Como conselleiro de Cultura e Xuventude.
- Víctor Manuel Vázquez Portomeñe (1993–1996). Como conselleiro de Cultura.
- Xesús Pérez Varela (1996–2005). Como conselleiro de Cultura e Comunicación Social. A partir de 1997 como conselleiro de Cultura, Comunicación Social e Turismo.
- Ánxela Bugallo (2005–2009). Como conselleira de Cultura e Deporte.
- Roberto Varela (2009–2012). Como conselleiro de Cultura e Turismo.
- Xesús Vázquez Abad (2012-2015). Como conselleiro de Cultura, Educación e Ordenación Universitaria.
- Román Rodríguez González (2015-2020). Como conselleiro de Cultura, Educación e Ordenación Universitaria (2015-2018), conselleiro de Cultura e Turismo (2018-2020) e conselleiro de Cultura, Educación e Universidade (2020-2024)
- José Carlos López Campos (2024- ). Como conselleiro de Cultura, Lingua e Xuventude.
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.