Circo romano de Tarraco

Circo romano de Tarraco
Tipo	xacemento arqueolóxico
Parte de	Conxunto arqueolóxico de Tarraco
Localización
División administrativa	Tarragona, España
Localización	Cidade de Tarragona
	41°07′N 1°16′L
Características
Superficie	Patrimonio da Humanidade: 6 ha; zona de protección: 27,5 ha
Parte dun sitio do Patrimonio da Humanidade
Data	2000 (24ª Sesión)
Identificador	875-004
Ben de interese cultural
Data	16 de maio de 1963
Identificador	RI-51-0001451
Ben Cultural de Interese Nacional
Tipo	Monumentos do patrimonio histórico de España
Codi BCIN	209-MH
Codi BIC	RI-51-0001451
Id. IPAC	226
Id. IPAPC	11675

O Circo romano de Tarraco é un edificio romano conservado na actual Tarragona. Construíuse impulsado politicamente polo Concilium provinciae Hispaniae citerioris, reunión anual dos representantes da provincia Citerior, moi preto do Forum Provincial de Tarraco, dentro do recinto amurallado no socalco inferior da Parte Alta da cidade de Tarraco, capital da provincia romana Hispania Citerior Tarraconensis. Constitúe, xunto con outras localizacións, o conxunto arqueolóxico de Tarraco, que forma parte do Patrimonio da Humanidade dende o ano 2000, sendo o seu código de inscrición 875-004.

Datos rápidos Tipo, Parte de ...

Pechar

Historia

Foi construído no século I d.C. baixo o mandato do emperador romano Domiciano. Nel disputábanse as corridas de carros, xeralmente de dous cabalos (bigas) ou de catro (cuadrigas) conducidos polos aurigas. Empregouse coma circo durante trescentos anos. No século V habilitáronse partes do circo para reconvertelas en vivendas. No ano 1128 o recinto do circo era coñecido coma El Corral, e empregábase coma sede de feiras e transaccións comerciais. Durante as seguintes épocas foise construíndo enriba da súa estrutura orixinal ata quedar incrustado no mesmo centro urbano de Tarragona, o que posibilitou que sexa un dos mellor conservados do mundo.

Consérvase e é visitable a parte da cabeceira oriental, onde se sitúa a porta triunfalis e boa parte das bancadas. Ademais, son visitables varias das voltas interiores do circo, que aguantaban as bancadas superiores, cuxa dimensión conservada é tamén un récord sobre os demais circos romanos conservados. Estas voltas penetran en moitos casos nas entrañas do casco antigo.

Características técnicas

Capacidade: entre 25.000 e 30.000 persoas.

Forma arquitectónica: forma alongada con remates circulares.

Dimensións: 325 metros de longo e entre 110 e 115 metros de ancho.

Estrutura: está construído sobre fortes bóvedas de cemento que ademais de servir de apoio aos chanzos, ás escaleiras e á plataforma superior, formaban unha serie de corredores interiores que permitían distribuír aos espectadores pola instalación.

Estancias e partes do circo: Podium (muro de máis de 2 metros de altura que separaba a arena das bancadas); Carceres (estancias con saída á arena empregadas coma aparcadoiro para os carros); Spina (división lonxitudinal da arena con mármore e mosaicos); Porta Pompae (porta principal); Porta Livitensis (porta para a saída dos feridos); Pulvinar (tribuna presidencial); Caveae (bancadas, fieiras de asentos).

Véxase tamén

Ligazóns externas

Páxina web do concello de Tarragona (en catalán)
Páxina turística de Tarragona (en catalán)
Páxina do Museo de Historia de Tarragona Arquivado 08 de abril de 2018 en Wayback Machine.
Ficha en spanisharts sobre o Circo Romano de Tarraco Arquivado 28 de xaneiro de 2010 en Wayback Machine. (en castelán)