Caracal (xénero)

Caracal é un xénero de mamíferos carnívoros da familia dos félidos, subfamilia dos felinos.^[1]

Para outras páxinas con títulos homónimos véxase: Caracal (homónimos).

Caracal
Primeiro plano de Caracal caracal
Clasificación científica
Reino: Animalia Filo: Chordata Clase: Mammalia Orde: Carnivora Suborde: Feliformia Familia: Felidae Subfamilia: Felinae Xénero: Caracal Gray, 1843
Especies
Véxase o texto
Sinonimia
Véxase o texto

Lámina de 1873 do Caracal aurata.

Caracal caracal comendo na súa gaiola do Jardin des Plantes de París.

Serval.

Taxonomía

Descrición

O xénero foi descrito en 1843 polo naturalista, botánico, zoólogo e micólogo inglés John Edward Gray, nun traballo publicado en List. Spec. Mamm. Coll. Brit. Mus.: 46.^[1]

Etimoloxía

O nome caracal entrou nas linguas modernas en 1760 a través do francés como un préstamo do turco karakulak, formado pola unión das palabras kara, 'negro' e kulak, 'orella'.^[2] E de aí o tomou Gray para o latín científico.

Sinónimos

Ademais de polo nome hoxe en día válido, o xénero coñeceuse tamén polos sinónimos:^[3]

• Caracala Gray, 1843
• Urolynchus Severtzov, 1858

Especies

Unha taxonomía en discusión

Durante moitos anos considerouse a Caracal como un xénero monotípico, isto é, que só comprendía unha única especie, Caracal caracal, o caracal, e así aparece en case toda a bibliografía.^[1][4]

Así mesmo, tradicionalmente, incluíuse a Caracal aurata no xénero Felis ou no Profelis.^[5]

Pero datos moleculares recentes revelan inequivocamente que o caracal, o serval e Caracal aurata están intimamente ligados.^[6]

E análises xenéticas moi recentes mostraron que o caracal, Caracal aurata e máis o serval están estreitamente relacionados pola súa xenética, e que diverxeron dun antepasado común hai aproximadamente 5,4 millóns de anos. Polo tanto, suxeriuse incluír a todos eles dentro do xénero Caracal.^[7]

Este criterio foi aceptado polos autores da Lista vermella da Unión Internacional para a Conservación da Natureza (UICN) para Caracal aurata.^[8] Polo tanto, segundo a UICN, o xénero comprede estas dúas especies:

• Caracal aurata
• Caracal caracal - o caracal

Pola súa parte, W. E. Johnson e colaboradores, engaden tamén ao serval nesta lista:^[6][9]

• Caracal serval - o serval (Non recoñecido pola maioría dos autores, que consideran a Leptailurus serval como unha especie independente).

Características

Son felinos de tamaño mediano que viven en sabanas e zonas semidesérticas de África e, no caso do caracal, tamén no oeste de Asia.

Bioloxía

Cazan e aliméntanse de pequenos mamíferos, como lebres, roedores, damáns e incluso crías de antílopes, pero as súas presas preferidas son as aves.

Notas

1. Caracacal en MSW.
2. caracal no Merriam-Webster Dictionary on line.
3. Caracacal. Synonyms en MSW.
4. Caracal Gray, 1843 no ITIS.
5. Ray, J. & Butynski, T. "Profelis aurata". In: J. S. Kingdon et al., eds. (2013): Mammals of Africa. Bloomsbury Publishing. ISBN 978-1-4081-2257-0. Consultado o 14 de outubro de 2018.
6. Johnson, W. E.; Eizirik, E.; Pecon-Slattery, J.; Murphy, W. J., Antunes, A.; Teeling, E. & O'Brien, S. J. (2006): "The late Miocene radiation of modern Felidae: a genetic assessment". Science 311: 73-77. Consultado o 14 de outubro de 2018.
7. Johnson, W. E.; Eizirik, E.; Pecon-Slattery, J.; Murphy, W. J.; Antunes, A.; Teeling, E.; O'Brien, S. J. (2006). "The Late Miocene Radiation of Modern Felidae: A Genetic Assessment". Science 311 (5757): 73–7. PMID 16400146. doi:10.1126/science.1122277. Consultado o 14 de outubro de 2018.
8. Bahaa-el-din, L.; Mills, D.; Hunter, L. & Henschel, P. (2015). "Caracal aurata". The IUCN Red List of Threatened Species (IUCN) 2015: e.T18306A50663128. doi:10.2305/IUCN.UK.2015-2.RLTS.T18306A50663128.en. Consultado o 14 de outubro de 2018.
9. Caracal Gray 1843 Arquivado 15 de outubro de 2018 en Wayback Machine. en Fossilworks.

Véxase tamén

Wikimedia Commons ten máis contidos multimedia na categoría:  Caracal

Wikispecies posúe unha páxina sobre:  Caracal

Bibliografía

• Kingdon, Jonathan (2015): The Kingdon Field Guide to African Mammals. Second Edition. Londres: Bloomsbury Publishing. Bloomsbury Natural History. ISBN 978-1-4729-1236-7.
• Kowalski, Kazimierz (1981): Mamíferos. Manual de teriología. Madrid: H. Blume Ediciones. ISBN 84-7214-229-9.
• Wilson, D. E. & Reeder, D. M., editors (2005): Mammal Species of the World: A Taxonomic and Geographic Reference (3rd ed.). Baltimore, Maryland, USA: Johns Hopkins University Press. ISBN 978-0-8018-8221-0.

Outros artigos

• Félidos
• Felinos

Ligazóns externas

• Caracal aurata na Lista vermella da UICN.
• Caracal caracal na Lista vermella da UICN.
• Leptailurus serval (Schreber, 1776), sinonimo Caracal serval (Schreber, 1776) na Lista vermella da UICN.
• Caracal. cracals na EOL.
• Caracal no NCBI.
• Caracal Gray, 1843 Arquivado 15 de outubro de 2018 en Wayback Machine. en Fossilworks.