As caprifoliáceas[2] (Caprifoliaceae) son unha familia de plantas dicotiledóneas arbustivas, de follas opostas, flores hermafroditas e froito en drupa ou baga, pertencente á orde Dipsacales.[3] A esta familia pertencen rubideiras como o cadrifollo e todas as demais madreselvas, por isto tamén se coñece como a familia das madreselvas. Este clado agrupa unhas 380 especies, en 10 xéneros, cunha extensa área de distribución; centros de diversidade atópanse no Leste de América do Norte e Leste de Asia, mentres que se atopan ausentes no África tropical e no Sur deste continente.
| Caprifoliáceas | |||||||||||
|---|---|---|---|---|---|---|---|---|---|---|---|
 Cadrifollo de xardín (Lonicera caprifolium) | |||||||||||
| Clasificación científica | |||||||||||
| |||||||||||
| Xéneros | |||||||||||
|
Véase texto | |||||||||||
| Sinonimia | |||||||||||
| |||||||||||
Descrición
Estas plantas son na súa maioría arbustos e parras, raramente herbas, incluíndo algunhas plantas ornamentais de xardín en rexións tépedas. As follas son maiormente opostas sen estípulas, e poden ser ou perennifolios ou caducifolios. As flores son tubulares con forma de funil ou semellantes a campás, normalmente con cinco lobos voltos cara a fóra, e case sempre con recendo. Normalmente forman un pequeno cáliz de brácteas miúdas. O froito é na maioría dos casos unha baga ou unha drupa. Os xéneros, Diervilla e Weigela, teñen froitos en cápsula.
Taxonomía
(cun número aproximado de especies).
A maior parte do debate sobre a taxonomía deste grupo quedou liquidado.
A taxonomía evolutiva deste grupo inclúe
Diervilloideae
- Diervilla (madreselva arbustiva): 3 especies
- Weigela: 10 especies.
Heptacodioideae
- Heptacodium (flor dos sete fillos): 1 especie
Caprifolioideae
- Leycesteria: 6 especies
- Lonicera (madreselva, cadrifollo): 180 especies
- Symphoricarpos (Bagas da neve): 17 especies
- Triosteum: 6 especies
Linnaeoideae
- Abelia : 30 especies
- Dipelta: 4 especies
- Kolkwitzia (arbusto belo): 1 especies
- Linnaea: (flor xemelga): 1 especies
Morinoideae
- Cryptothladia
- Morina
Dipsacoideae
- Acanthocalyx
- Pterocephalus
- Dipsacus
- Scabiosa
Triplostegioideae
- Triplostegia
Valerianoideae
- Patrinia
- Nardostachys
- Centranthus
- Plectritis
- Valeriana
- Valerianella
- Fedia
Non durarán durante moito tempo incluídas en Caprifoliaceae
(consideradas por algúns autores como pertencentes a unha familia á parte Adoxaceae /Alseuosmiaceae)
- Alseuosmia: 8 especies
- Memecylanthus: 1 especies
- Periomphale: 2 especies
(consideradas por algúns autores como pertencentes a unha familia á parte Adoxaceae /Carlemanniaceae)
- Carlemannia: 3 especies
- Silvianthus: 2 especies.
Usos
As plantas pertencentes a esta familia son normalmente plantas ornamentais rubideiras, arbustos moi populares nos xardíns, especialmente Lonicera. Unhas poucas chegaron a ser plantas invasoras fóra das súas áreas nativas de distribución (tal como é o caso de Lonicera japonica).
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
