Cantón de Neuchâtel

A República e Cantón de Neuchâtel (/reˈpuβlika̝ ɛ kanˈtoŋ de newt͡ʃaˈtɛl/; en francés: République et Canton de Neuchâtel [ʁe.py.blik e kɑ̃.tɔ̃ də nɘʃatel]),^[1] ou tan só cantón de Neuchâtel,^[2] é un dos vinte e seis cantóns que forman a Confederación Suíza. Forma parte da gran rexión de Espace Mittelland, que comprende tamén os cantóns de Berna, Friburgo, Xura e Soleura. A súa capital e cidade máis poboada é a vila homónima de Neuchâtel.

Cantón de Neuchâtel

Neuchâtel (fr)
Localización
46°59′N 6°47′L
Estado federado	Suíza
Capital	Neuchâtel
Contén a división administrativa	Boudry District (en) Distrito de La Chaux-de-Fonds (pt) Le Locle District (en) Neuchâtel District (en) Val-de-Ruz District (en) Val-de-Travers District (en)
Poboación
Poboación	176.850 (2018) (220,45 hab./km²)
Lingua oficial	lingua francesa
Xeografía
Parte de	Suíza romanda Mittelland
Superficie	802,24 km²
Altitude	430 m
Punto máis alto	Chasseral Ouest (en) (1.552 m)
Punto máis baixo	Lago de Biena (429 m)
Comparte fronteira con	Berna Cantón de Xura Doubs Cantón de Friburgo Vaud Franco Condado
Creación	1034
Organización política
Órgano lexislativo	Grand Council of Neuchâtel (en) , (Escano: 100)
Identificador descritivo
Fuso horario	UTC+01:00, horario estándar UTC+02:00, horario de verán
ISO 3166-2	CH-NE
Código NUTS	CH024
Sitio web	ne.ch

Xeografía

O cantón atópase ao nordeste de Suíza, na cordilleira do Xura. Abrangue a zona baixa que abeira o lago de Neuchâtel, coñecida como Littoral ou Bas, e unha meseta máis alta a uns 1.000 metros de altitude, coñecida como Les montagnes neucâteloises ou Haut. A cidade de Neuchâtel está situada ás beiras do lago, mentres que as vilas de La Chaux-de-Fonds e Le Locle se encontran na montaña. Limitan coa fronteira francesa localizada no Doubs, chamado así polo río de mesmo nome que corta o val en dous. A parte inferior estendese dende Vaumarcus ata o límite do lago de Biel. Entre o Haut e o Bas existen varios vales, como o Val-de-Travers, ao oeste do cantón, e o Val-de-Ruz, no centro.

O cantón de Neuchâtel culmina ao oeste do Chasseral, cunha altitude de 1.552 metros^[3]. Os seus puntos máis baixos atópanse ás beiras dos lagos de Biel e de Neuchâtel, con 429 metros de altitude. Con 802,16 km² de superficie territorial, é o décimo quinto cantón máis grande de Suíza.

Rexións, comunas e vilas

Historicamente o cantón estaba dividido en seis distritos, que xuntos formaban as catro rexións do cantón: o distrito de Neuchâtel e o distrito de Boudry forman xuntos a rexión Littoral, o distrito de Val-de-Ruz e o de Val-de-Travers forman cada un unha rexión propia. Os distritos de La Chaux-de-Fonds e Le Locle forman a rexión de Montagnes. Os distritos suprimíronse o 1 de xaneiro de 2018 e as rexións pasaron a ser un nivel estatístico, mais xa non administrativo^[4].

O cantón de Neuchâtel conta con 27 comunas, catro das cales posúen máis de 10.000 habitantes: Neuchâtel con 44.568, La Chaux-de-Fonds con 36.915, Val-de-Ruz con 17.143 e Val-de-Travers con 10.579. Le Locle, con 9.864, achégase a estes números.

Lista de comunas do cantón de Neuchâtel

Nome	N° OFS[5]	Rexión[6]	Poboación	Superficie (km2)	Densidade (hab./km2)
Boudry	6404	Littoral	6.193	16,77	369	Vista aérea da vila de Neuchâtel. Paisaxe de Val-de-Travers.
Cortaillod	6408	Littoral	4.697	3,69	1.273
Rochefort	6413	Littoral	1.291	25,84	50
Milvignes	6416	Littoral	9.063	8,78	1.032
La Grande Béroche	6417	Littoral	8.825	42,21	209
La Chaux-de-Fonds	6421	Montagnes	36.915	55,66	663
Les Planchettes	6422	Montagnes	210	11,73	18
La Sagne	6423	Montagnes	1.058	25,55	41
La Brévine	6432	Montagnes	624	41,82	15
Brot-Plamboz	6433	Montagnes	290	16,03	18
Le Cerneux-Péquignot	6434	Montagnes	313	15,67	20
La Chaux-du-Milieu	6435	Montagnes	514	17,28	30
Le Locle	6436	Montagnes	9.864	23,14	325
Les Ponts-de-Martel	6437	Montagnes	1.230	18,23	67
Cornaux	6451	Littoral	1.587	4,72	336
Cressier	6452	Littoral	1.892	8,55	221
Enges	6453	Littoral	266	9,59	28
Hauterive	6454	Littoral	2.636	2,12	1.243
Le Landeron	6455	Littoral	4.642	10,31	450
Lignières	6456	Littoral	979	12,51	78
Neuchâtel	6458	Littoral	44.568	18,1	1.478
Saint-Blaise	6459	Littoral	3.258	8,87	367
La Tène	6461	Littoral	5.176	5,44	951
Val-de-Ruz	6487	Val-de-Ruz	17.143	124,26	138
La Côte-aux-Fées	6504	Val-de-Travers	458	12,85	36
Les Verrières	6511	Val-de-Travers	646	28,68	23
Val-de-Travers	6512	Val-de-Travers	10.579	124,91	85

Lagos e cursos de auga

A xeomorfoloxía do cantón é de tipo cárstico, o que dificulta a existencia dun gran número de lagos e ríos. Malia isto, hai varios lagos e ríos no cantón.

Notas

1. En alemán: Republik und Kanton Neuenburg; en italiano: Repubblica e Cantone di Neuchâtel.
2. En francés: canton de Neuchâtel [kɑ̃.tɔ̃ də nɘʃatel].
3. "Puntos culminantes dos cantóns suízos.".
4. "Repertorio oficial das comunas de Suíza.".
5. "Liste officielle des communes de la Suisse - 01.05.2014". Office fédéral de la statistique. Consultado o 4 de setembro de 2014.
6. "Liste officielle des communes de la Suisse - 01.05.2014". Office fédéral de la statistique. Consultado o 4 de setembro de 2014.