Cabalar, A Capela

Santa María de Cabalar^[1] é unha parroquia que se localiza no oeste do concello da Capela. Segundo o padrón municipal de 2018 tiña 262 habitantes (135 homes, 127 mulleres) distribuídos en 22 entidades de poboación, o que supón unha diminución en relación ao ano 1999 cando tiña 355 habitantes.

Para outras páxinas con títulos homónimos véxase: Cabalar.

Cabalar
Igrexa de Santa María de Cabalar.
Concello	A Capela[1]
Provincia	A Coruña
Coordenadas	43°26′07″N 8°04′20″O
Área	20 km²
Poboación	262 hab. (2018)
Densidade	13,1 hab./km²
Entidades de poboación	22[1]
[ editar datos en Wikidata ]

Xeografía

Esta parroquia localízase a unha altitude de 450 m, e é limítrofe coa Mourela (Neda) e sitúase a escasos quilómetros da casa do concello, no lugar das Neves. Está atravesada polo río Belelle e o río Xuvia-Castro.

Clima

A climatoloxía de Cabalar é de tipo oceánico húmido con algunhas características de clima continental. A temperatura oscila entre os 0 °C que pódense alcanzar no inverno aos 37 °C de máxima no mes de agosto, cunha temperatura media anual de 12 °C. É un clima propicio para a conservación das Fragas do Eume.

Fauna e flora

Esta zona caracterízase polo predominio de carballos, bidueiros e ameneiros. Conta cunha gran riqueza paisaxística e xeolóxica. Tamén posúe moitas especies de animais en liberdade, os cales posúen os bosques de Cabalar como hábitat natural, como os xabarís, raposos e corzos.

Patrimonio

A igrexa parroquial foi construída en estilo barroco durante o século XIX. Presenta unha planta rectangular cunha soa nave e no seu interior, no centro, unha imaxe de Santa María, a patroa da parroquia. A igrexa pertence a diocese de Mondoñedo-Ferrol e ao arciprestado de Ortegal-As Pontes.

Hai varios muíños ao pé do río que se poden visitar. Conta cun museo etnográfico aberto ao público os xoves e venres polas mañás e sábados e festivos pola tarde.

Festas

As festas parroquiais de Santa María celébranse o 15 e o 16 de agosto.

Gastronomía

O requeixo elabórase nesta zona dende hai moitos anos, posúe unhas características especiais que fan que se diferencie do producido noutras zonas.

Galería de imaxes

• 
  Tramo da ruta do Belelle.
• 
  Ferrería hidráulica en ruínas.
• 
  Merendeiro na ruta do Belelle.
• 
  Tramo do río Belelle.
• 
  Cruceiro situado ao lado da igrexa.
• 
  Cartel informativo en Cabalar.

Lugares e parroquias

Lugares de Cabalar

Lugares da parroquia de Cabalar no concello coruñés da Capela
O Barreiro | A Bouza | A Buíña | O Cadaval | Os Carballás | A Castiñeira | O Coto | Os Enxertados | Fiúnte | Formariz | Fornelos | A Grúa | Guillurfe | A Igrexa | O Machuco | Martín | O Penedo | O Pouso | Os Roxedoiros | O Teixo | Vilar de Mouros

Parroquias da Capela

Galicia | Provincia da Coruña | Parroquias da Capela
Caaveiro (San Boulo) | Cabalar (Santa María) | A Capela (Santiago)

Notas

1. DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

Véxase tamén

Outros artigos

• Lugares da Capela