Burghead

Burghead (en scots: Burgheid^[1] ou The Broch,^[2] en escocés: Am Broch) é unha pequena vila en Moray, Escocia, que se atopa a 13 quilómetros ó noroeste de Elgin. A vila está construída sobre unha península que se proxecta cara ó noroeste formando o fiorde de Moray, o cal fai que a vila estea rodeada polo mar por tres dos seus lados.

Burghead

Localización
57°42′01″N 3°29′05″O
Estado	Reino Unido
País	Escocia
Concello	Moray (pt)
Poboación
Poboación	1.910 (2016)
Identificador descritivo
Fuso horario	UTC±00:00
Páxina web	burghead.com

A vila actual foi construída entre 1805 e 1809, destruíndo no proceso máis da metade dun importante sitio arqueolóxico picto, un castro. O mapa do xeneral Roy amosa as defensas que existiron até o século XVIII pero que atribuíu erradamente ós romanos. O castro foi probablemente un importante poboado picto e alí foron encontradas lousas esculpidas con touros, que son coñecidas como "Burghead Bulls". Descubriuse tamén unha cámara cun pozo de considerable antigüidade en 1809 e as paredes e un teito foron engadidos máis tarde para axudar a preservalo. Cada ano o 11 de xaneiro celébrase un festival do lume coñecido como "Burning of the Clavie". Crese que o festival data do século XVII mais facilmente podería ser moito máis antigo.

Galería

• 
  Lousa do touro de Burghead, no Museo Británico.
• 
  Pedra con inscricións en Burghead.

Notas

1. "Scots Language Centre: Scottish Place Names in Scots". Arquivado dende o orixinal o 19 de marzo de 2020. Consultado o 19 de xuño de 2018.
2. "The Online Scots Dictionary". Arquivado dende o orixinal o 02 de outubro de 2013. Consultado o 19 de xuño de 2018.