Botaurus

Botaurus é un xénero de aves limícolas chamadas abetouros da familia das garzas, do que existen 4 especies actuais. O nome do xénero deullo o naturalista inglés James Francis Stephens, e deriva do latín butaurus.^[1] Plinio o Vello derivou o nome de Bos (boi) e taurus (touro), porque as chamadas desta ave semellan o son dun touro urrando.^[2]

Botaurus
Abetouro americano (Botaurus lentiginosus)
Clasificación científica
Reino: Animalia Filo: Chordata Clase: Aves Orde: Pelecaniformes Familia: Ardeidae Xénero: Botaurus Stephens, 1819
Especies
B. lentiginosa B. stellaris B. pinnatus B. poiciloptilus

O xénero ten unha soa especie representativa en cada continente, un en América do Norte, outro en América Central e América do Sur, un en Eurasia e outro en Australasia. As dúas especies do norte son parcialmente migratorias, e moitos dos individuos van a zonas máis cálidas en inverno.

Os catro abetouros son aves grandes, robustas, marróns con plumaxe bandeado, que se reproducen en xunqueiras. A femia cría ela soa os polos, o que é raro nunha ave predadora.^[3] Son animais moi discretos, ben camuflados e difíciles de ver malia o seu tamaño, a non ser en avistamentos ocasionais en voo.

Igual que outras especies da súa familia, comen peixes, ras, e outros seres acuáticos pequenos.

Especies

Imaxe	Nome científico	Nome común	Distribución
	Botaurus lentiginosus	abetouro americano	Norteamérica, do Canadá a México
	Botaurus stellaris	abetouro común	eurasiático
	Botaurus pinnatus		de Suramérica e Centroamérica
	Botaurus poiciloptilus		de Australasia
	Botaurus hibbardi		fósil