Bostríquidos

Os bostríquidos (Bostrichidae) son unha familia de escaravellos con máis de 700 especies descritas. Na maioría deles a cabeza non se pode ver desde arriba, xa que está dirixida cara a abaixo e agochada baixo o tórax. Excepcións son os da subfamilia Lyctinae (ás veces tratada como familia separada) e membros da subfamilia Psoinae. A familia contén especies que atacan a madeira (trazas ou couzas).

Bostríquidos
Euderia squamosa
Clasificación científica
Reino: Animalia Filo: Arthropoda Clase: Insecta Orde: Coleoptera Suborde: Polyphaga Infraorde: Bostrichiformia Superfamilia: Bostrichoidea Familia: Bostrichidae Latreille, 1802
Diversidade
Unhas 700 especies
Subfamilias
Bostrichinae Dinoderinae Dysidinae Euderiinae Lyctinae Polycaoninae Psoinae

Bostrychoplites cornutus ten uns cornos torácicos distintivos e encóntrase en partes de África e Arabia; a miúdo é importado sen querer a Europa como larvas en cuncas de madeira africanas traídas como "souvenirs étnicos".^[1]

O rexistro fósil da familia esténdese desde o Cretáceo, e os rexistros máis antigos son do Cenomaniano atopados en ámbar da Charente e de Myanmar, pertencentes ao xénero hoxe existente Stephanopachys^[2] e das subfamilias existentes Dinoderinae^[3] e Polycaoninae.^[4]

Exemplos de especies

Dinoderus brevis

Algúns exemplos de especies son:^[5]

• Amphicerus cornutus (Pallas, 1772)
• Apate terebrans (Pallas, 1772)
• Prostephanus truncatus (Horn, 1878)
• Dinoderus minutus (Fabricius)
• Lyctus brunneus (Stephens)
• Rhyzopertha dominica (Fabricius)
• Sinoxylon anale (Lesne)
• Xylopsocus gibbicollis (Macleay)
• Bostrichus capucinus
• Bostrychoplites cornutus (Olivier, 1790)
• Stephanopachys substriatus
• Trogoxylon parallelopipedum
• Lyctus cavicollis
• Lyctus linearis (Goeze, 1877)
• Lyctus planicollis
• Lyctus sinensis

Especie fósil

Larva de Heterobostrychus aequalis larva

• Discoclavata dominicana†Poinar Jr, 2013^[6]