Blanca Romero

Blanca Romero Ezama, nada en Xixón o 2 de maio de 1976, é unha actriz, cantante e modelo asturiana.

Blanca Romero

Biografía
Nacemento	(es) Blanca Romero Ezama 2 de xuño de 1976 (48 anos) Xixón, España
Actividade
Ocupación	modelo, actriz
Familia
Cónxuxe	Cayetano Rivera (2001–2004)

Traxectoria

Con 14 anos ofrecéronlle facer o seu primeiro desfile nunha boutique de Xixón. A raíz de aí se empezou a interesar no tema da moda e con 17 anos trasladouse a Madrid e dous anos despois a París para traballar en revistas de moda como Givenchy ou Madame.

A súa primeira canción compúxoa en 2001, cando non podía saír da casa duns amigos en Xixón debido a un terrible tempo. Durante eses 15 días decidiu compoñela. A mediados de 2006, co nome artístico de "La Perra", comezou unha carreira musical que non tivo continuidade.

Interveu nalgunhas reportaxes de Puntodoc (Antena 3) e El club de Flo (La Sexta), intervención grazas á cal o equipo de Física o química (Antena 3) se fixou nela, dando o salto á interpretación. Tamén apareceu en Las mañanas de Cuatro, After e en Supermodelo 2006. Foi portada en diversas ocasións de Elle e posou núa para denunciar a grave situación da auga, sendo modelo da Expo Zaragoza 2008.

En 2015 estreou a serie Bajo sospecha en Antena 3, onde interpreta o papel de policía infiltrada xunto a Yon González.

Televisión

Series de televisión
Ano	Título	Papel	Notas
2008-2009, 2011	Física o química	Irene Calvo	Papel principal (48 episodios)
2013	L'Isola	Tara Rival	Papel principal (12 episodios)
2015-presente	Bajo sospecha	Laura Cortés/ Laura González Samprieto	Papel principal (13 episodios)

Cine

Filmes
Ano	Título	Papel	Notas
2009	After	Ana	Papel principal
2011	Los muertos no se tocan, nene	Clara	Papel principal
2012	Fin	Covadonga "Cova"	Papel principal
2013	El amor no es lo que era	Paz	Papel principal

Premios e candidaturas

• 2009: Gañadora do Premio Mujer Cosmopolitan “Fun Fearless Female” á Mellor Actriz de Cine por "After".^[1]
• 2010: Candidata ao Premio Goya á mellor actriz revelación por After.

Vida privada

No ámbito persoal, deu a luz a Lucía en 1998. Mantivo relacións sentimentais con Joaquín Cortés ou Cayetano Rivera Ordóñez, co que estivo casada entre 2001 e 2004. O 21 de xullo de 2012, foi nai por segunda vez dun neno, Martín.