Bemil, Caldas de Reis

Santa María de Bemil é unha parroquia do concello de Caldas de Reis. Segundo o INE en 2010 tiña 842 habitantes (428 mulleres e 414 homes), distribuídos en 6 entidades de poboación, o que supón unha diminución en relación ao ano 2000 cando tiña 944 habitantes. Ten tres aldeas: Follente, Outeiro e Paradela. Nos últimos anos configurouse un novo núcleo de poboación próximo á área industrial das Veigas de Almorzar.

Para outras páxinas con títulos homónimos véxase: Bemil.

Bemil
Igrexa de Santa María de Bemil.
Concello	Caldas de Reis[1]
Provincia	Pontevedra
Coordenadas	42°37′08″N 8°39′10″O
Poboación	800 hab. (2017)
Entidades de poboación	6[1]
[ editar datos en Wikidata ]

Patrimonio

Conta cunha capela dedicada a San Lourenzo no lugar de Outeiro e outra no lugar de Paradela. A Igrexa de Santa María de Bemil foi construída a finais do século XII, aínda que do estilo románico só conserva a antiga fábrica medieval, a ábsida, o rosetón da fachada occidental e un treito do muro sur.

Festas e romarías

Na igrexa parroquial consérvanse as reliquias de San Xusto, na honra ao cal se celebra unha popular romaría o último domingo de agosto. Outra festa moi populosa é a dedicada á Virxe das Dores (fin de semana arredor do 15 de setembro) en Follente, que ten dous días festivos: o primeiro coa tradicional verbena e o segundo cunha misa e procesión campestre e unha comida de confraternidade con varios centos de veciños.

Galería de imaxes

• 
  Fachada da Igrexa románica de Santa María de Bemil de finais do século XII.
• 
  Ábsida da igrexa de Santa María de Bemil.
• 
  Interior da igrexa de Santa María de Bemil.
• 
  Procesión de Follente (Bemil) coa imaxe da Virxe das Dores previa ao tradicional xantar de confraternidade.

Lugares e parroquias

Lugares de Bemil

Lugares da parroquia de Bemil no concello de Caldas de Reis (Pontevedra)
A Canle | Follente | A Lavandeira | Outeiro | Paradela | As Veigas de Almorzar

Parroquias de Caldas de Reis

Galicia | Provincia de Pontevedra | Parroquias de Caldas de Reis
Arcos da Condesa (Santa Mariña) | Bemil (Santa María) | Caldas de Reis (San Tomé e Santa María) | Caldas de Reis (Santa María) | Carracedo (Santa Mariña) | Godos (Santa María) | Saiar (Santo Estevo) | San Clemente de Cesar (San Clemente) | Santo André de Cesar (Santo André)

Notas

1. Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.

Véxase tamén

Outros artigos

• Lugares de Caldas de Reis

Ligazóns externas

• Portal do patrimonio cultural de BemilArquivado 15 de xullo de 2018 en Wayback Machine.