Bandeira de Etiopía
From Wikipedia, the free encyclopedia
From Wikipedia, the free encyclopedia
A versión actual da bandeira de Etiopía foi adoptada o 6 de febreiro de 1996, aínda que a súa forma final estaba regulada por decreto dende 1986.
A bandeira de Etiopía está composta por tres franxas horizontais do mesmo tamaño: a superior é de cor verde, a central amarela e a inferior vermella. Na parte central, ocupando a franxa central e parte das exteriores, figura o escudo de Etiopía, formado por un círculo azul cunha estrela dourada de cinco puntas (como un pentagrama).
O significado das cores da bandeira foi variando ao longo do tempo. Actualmente a cor verde representa a fertilidade do país, o amarelo simboliza a liberdade relixiosa e o vermello evoca aos que morreron defendendo a integridade nacional.
A estrela dourada de cinco puntas do escudo representa a igualdade entre homes e mulleres, de tódolos grupos étnicos e relixiosos. Os raios que figuran entre as puntas da estrela reflicten o futuro brillante de Etiopía. A cor azul do emblema simboliza a paz e a democracia desexadas para o país.
As cores panafricanas -vermello, verde, amarelo- teñen a súa base na bandeira etíope, unha das máis antigas do continente africano. O esquema tricolor da bandeira é moi antigo, anterior á creación do estandarte do Imperio de Abisinia. As tres cores tamén compuñan a bandeira creada en 1897, un ano despois da Batalla de Adua, na que os etíopes se defenderon do expansionismo colonial italiano.
Durante a existencia da monarquía etíope aparecía representado na bandeira un león coroado, coñecido como o “León de Judá” que portaba un estandarte cunha cruz incorporada no extremo do pau, símbolo do vínculo do país coa Igrexa Etíope Tewahedo.
Coa desaparición da monarquía etíope en 1975, a bandeira nacional contou cos mesmos elementos, mais o León de Judá foi retirado e non se incorporou ningún escudo ou emblema novo. Esta bandeira empregouse ata 1987 e, posteriormente, dende 1991 ata 1996.
Entre 1987 e 1996, no centro da bandeira figurou o escudo da República Democrática Popular de Etiopía, dominado por unha estrela amarela de cinco puntas situada na súa parte superior e rodeado por unha coroa ou grilanda vexetal.
.svg)
_(02).svg)
Bandeira baixo o mandato da Derg (Comité Coordinador das Forzas Armadas, Policía e Armada Territorial) entre 1974 e 1987..svg)
Bandeira da República Democrática Popular de Etiopía (1987-1991)..svg)
Bandeira de Etiopía (1975-1987 e 1991-1996).Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
