Avieno

Rufo Festo Avieno (en latín: Postumius Rufius Festus Avienus) foi un escritor, poeta, astrónomo e xeógrafo latino da segunda metade do século IV.

Avieno

Biografía
Nacemento	c. 305 Bolsena, Italia (pt)
Morte	c. 375 (69/70 anos)
Actividade
Ocupación	poeta, escritor, procónsul
Período de tempo	Baixo Imperio Romano
Período de actividade	(Con vida en: século IV )
Obra
Obras destacables Ora maritima (século IV) Aratea (en) (século IV) Paraphrase of Livy (en)
Familia
Fillos	Festo
Descrito pola fonte	Dicionario Enciclopédico Brockhaus e Efron Paulys Realenzyklopädie der klassischen Altertumswissenschaft Real'nyj slovar' klassicheskih drevnostej po Ljubkeru

Traxectoria

Naceu en Volsinii (Bolsena), Etruria,^[1] procedía da familia dos Rufii Festi, fillo de Musonio (identificado como descendente de Musonio Rufo, filósofo estoico do século I), e foi procónsul^[1] dúas veces da África Proconsular en 366 e 367 e probablemente tamén de Acaia. Segundo inscricións conservadas nos Museos Vaticanos casou cunha muller chamada Plácida e tivo varios fillos, un dos cales chamábase Plácido. Algúns historiadores quixeron atribuírlle a paternidade do historiador Rufo Festo, pero é discutida.

En relación á Península Ibérica recolle as fontes máis antigas que se conservan, e que datarían do século VI a.C. Avieno describiu os oestrimnios e saefes, pobos da Gallaecia.

Obras

• Adaptación do poema astronómico Phaenomena do grego Arato de Solos.^[2][3]

• Descriptio Orbis Terrae, en 1.394 versos hexámetros,^[3] cun resumo dos puntos máis relevantes da xeografía física e política do mundo coñecido, tradución en verso da Periégesis de Dionisio. Avieno, ademais, incorporou datos xeográficos de Estrabón.^[2]
• Ora maritima, do que se conserva un fragmento do primeiro capítulo^[2] de 703 trímetros iámbicos que describe as costas dende a Bretaña ata Marsella.^[3]
• Aratea Phaenomena e Aratea Prognostica, tradución en versos hexámetros distribuídos en 1.325 e 552 liñas, que é a mesma relación das obras de Arato de Solos, con descricións, lendas, supersticións e feitos.
• Tres pezas curtas dirixidas a un amigo chamado Flavianus Myrmecius.