Arqueógnatos

Os arqueógnatos (Archaeognatha), do grego αρχαιος archaeos, 'antigo' e γναθος gnathos, 'mandíbula', son unha primitiva orde de insectos carentes de ás (do grupo parafilético dos apterigotos), ectógnatos (con pezas bucais externas), de forma alongada, con tres cercos ("colas") no extremo do abdome e o corpo cuberto de escamas con reflexos metálicos. Describíronse unhas 350 especies. Son un dos grupos de insectos que menos cambios evolutivos sufriu desde a súa aparición no Devoniano, hai 390 millóns de anos.^[1]

Archaeognatha
Pedetontus unimaculatus, un Machiloidea
Estado de conservación
Non avaliado
Clasificación científica
Dominio: Eukaryota Reino: Animalia Filo: Arthropoda Subfilo: Hexapoda Clase: Insecta Orde: Archaeognatha Börner, 1904
subordes
Machiloidea (=Microcoryphia) Monura †

Segundo as clasificacións actuais,^[1] as antigas ordes Monura e Microcoryphia deben agruparse na orde Archaeognatha, como mostra o seguinte cladograma:

Insecta	Archaeognatha ___ Machiloidea     Monura †         Zygentoma (obsoleto: Thysanura)     Pterygota

Por razóns históricas un nome alternativo para a orde Archaeognatha é Microcoryphia.^[2]