Arena da Baixada

O Estádio Joaquim Américo Guimarães é o estadio de fútbol do Clube Atlético Paranaense (CAP), localizado en Curitiba, capital do Estado do Paraná, Brasil. Coñecido como Arena da Baixada, o espazo foi o primeiro lugar do fútbol brasileiro en adoptar o nome patrocinado co título de Kyocera Arena entre 2005 e 1 de abril de 2008. Coa escolla de Curitiba para ser unha das sedes da Copa do Mundo de 2014, o estadio foi reformado entre 2012 e 2014, ampliando a súa capacidade aos padróns esixidos pola FIFA e pasando a ter máis de 43.000 lugares.^[1]

Estádio Joaquim Américo Guimarães Arena da Baixada
Curitiba
Instancia de estadio
Deporte fútbol
Persoas e organizacións
Operador/a Clube Atlético Paranaense
Ocupante Clube Atlético Paranaense Club Athletico Paranaense (futebol feminino) (pt)
Propietario/a Clube Atlético Paranaense
Arquitecto/a Clube Atlético Paranaense
Datas
Fundación / creación 24 de xuño de 1999  Inauguración 1914
Cronoloxía
Acontecementos 2012 reconstrución 1999 renovación Mundial de Fútbol Brasil 2014
Dimensión
Capacidade 28.413
Localización
Situado en Curitiba, Estado do Paraná, Brasil Mapa  25°26′54″S 49°16′37″O
Fontes e ligazóns
Páxina WEB arenacap.com.br
Wikidata C:Commons

Localizado no barrio do Água Verde, ten como punto diferencial a súa localización, próxima ao centro da capital paranaense. A historia do estadio do Atlético comezou a comezos do século XX, cando en 1914, Joaquim Américo Guimarães, entón presidente do Internacional (club que orixinaría o Clube Atlético Paranaense), mandou a construción do estadio Baixada da Água Verde. O Atlético xurdiu dez anos despois, herdando o patrimonio e bautizando o estadio co nome do principal responsábel da súa edificación.