Apeadoiro de Pontevedra-Universidade

Pontevedra-Universidade é un apeadoiro ferroviario de Adif na cidade de Pontevedra. Está situada no norte da cidade na liña Santiago de Compostela-Redondela.

Pontevedra-Universidade
Apeadoiro en 2019
Situación	Camiño da Vía s/n 36162 Pontevedra
Coordenadas	42°26′20″N 8°37′49″O
Liñas
Media distancia	MD Rexional
Intermodalidade
Bus	Ao Campus Universitario de Pontevedra

Inaugurado en 2001, está operado por Media distancia Renfe. Dá servizo ao campus universitario da Xunqueira de Pontevedra.

Localización ferroviaria

A 17 metros de altitude, o apeadoiro ferroviario Pontevedra-Universidade atópase no punto quilométrico (PK) 19,9 da liña de ancho ibérico Redondela-Santiago de Compostela, entre as estacións de Pontevedra e Portela.^[1]

Historia

En novembro de 1998 empezáronse a barallar datas concretas para a construción dun apeadoiro ferroviario preto do campus de Pontevedra. As obras do apeadoiro ferroviario ao campus adxudicáronse en xullo de 1999.^[2]

O apeadoiro Pontevedra-Universidade foi finalmente posto en servizo por Renfe en outubro de 2001 para dar servizo ao campus de Pontevedra.^[3]

Desde o 31 de decembro de 2004, ADIF é o operador do apeadoiro ferroviario. En xuño de 2021, ADIF decidiu mellorar as ramplas de acceso ao apeadoiro e a iluminación.^[4]

Servizos para os pasaxeiros

Descrición

A estación dispón de dúas plataformas con videovixilancia, marquesiñas e paneis electrónicos de información sobre a chegada e saída dos trens, un sistema de aviso de emerxencias e un reloxo.

Servizos

Por Pontevedra-Universidade circulan trens de Media Distancia de Renfe, principalmente con orixe ou destino nas estacións da Coruña, Pontevedra, Santiago de Compostela e Vigo-Guixar.

Media distancia Renfe / Rexionais

Liña	Percorrido	Continua ata
	A CORUÑA-SAN CRISTOVO · Uxes · Meirama · A Vila da Igrexa · Cerceda · Ordes-Pontraga · SANTIAGO DE COMPOSTELA · Osebe · A Escravitude · Padrón · Pontecesures · Catoira · Vilagarcía de Arousa · Portela · Pontevedra-Universidade · PONTEVEDRA · Arcade · Cesantes · Redondela-Picota · Redondela · Chapela · VIGO	-

Intermodalidade

Hai autobuses entre o apeadoiro e o campus universitario.^[5]

Galería de imaxes

• 
  Letreiro da estación, reloxo e pantalla de información
• 
  Plataformas de Pontevedra-Universidade