No legendarium de J. R. R. Tolkien, os Anos do Sol constitúen o derradeiro dos tres grades períodos temporais de Arda, o mundo no que se desenvolven a maioría dos acontecementos da súa mitoloxía. Os dous períodos anteriores son os Anos das Lámpadas e mais os Anos das Árbores.
 A Historia de Arda |
|---|
| Anos Valianos
|
| Idades dos Fillos de Ilúvatar |
| Batalla Final |
Os Anos do Sol comezan coa primeira saída do sol, que coincide co regreso dos elfos Noldor á Terra Media, e segundo a perspectiva mitolóxica de Tolkien, chegan até os nosos días: a Historia de Arda debe interpretarse en sentido ficticio como a historia da Terra. No contexto dos escritos de Tolkien, os Anos do Sol comezan contra a fin da Primeira Idade dos Fillos de Ilúvatar (590 anos antes desta rematar) e continúan ao longo da Segunda, Terceira e parte da Cuarta. Nunha carta escrita en 1958, Tolkien escribiu a seguinte nota ao pé, especulando el mesmo sobre que idade estariamos a vivir hoxe en día:
"Eu imaxino que o oco [entre a Caída de Barad-dûr e os tempos modernos] é duns 6000 anos; quer dicir, agora estamos ao final da Quinta Idade, se as Idades tivesen a mesma duración que a Segunda e Terceira Idades. Mais eu coido que se teñen acelerado; e imaxino que en realidade estamos ao final da Sexta Idade, ou na Sétima."[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
