From Wikipedia, the free encyclopedia
As anafilotoxinas[2][3], ou anafilatoxinas[4], tamén chamadas péptidos do complemento, son os fragmentos peptídicos C3a, C4a e C5a, que se producen como parte da activación do sistema do complemento (que causa a lise de bacterias invasoras).[5] Os compoñentes do complemento C3, C4 e C5 son grandes glicoproteínas que teñen importantes funcións na resposta inmune e na defensa do hóspede.[6] Posúen unha gran variedade de actividades biolóxicas e son activadas proteoliticamente por clivaxe (corte) en sitios específicos, formando fragmentos chamados a e b.[7] Os fragmentos a forman dominios estruturais característicos de aproximadamente 76 aminoácidos, codificados por un só exón do xene da proteína do complemento. Os compoñentes C3a, C4a e C5a son os que se denominan anafilotoxinas ou anafilatoxinas.[7][8] Causan a contracción do músculo liso, liberación de histamina por parte dos mastocitos, e aumento da permeabilidade vascular.[8] Tamén median na quimiotaxe, inflamación, e xeración de radicais do oxíxeno citotóxicos.[8] Estas proteínas son moi hidrófilas, cunha estrutura principalmente en hélice alfa e con 3 pontes disulfuro.[8]
| Anaphylotoxin-like domain | |||||||||||
|---|---|---|---|---|---|---|---|---|---|---|---|
 Estrutura da C5adesArg porcina.[1] | |||||||||||
| Identificadores | |||||||||||
| Símbolo | ANATO | ||||||||||
| Pfam | PF01821 | ||||||||||
| InterPro | IPR000020 | ||||||||||
| SMART | ANATO | ||||||||||
| PROSITE | PDOC00906 | ||||||||||
| SCOPe | 1c5a / SUPFAM | ||||||||||
| |||||||||||
As anafilotoxinas poden desencadear a desgranulación (liberación de substancias almacenadas en gránulos) das células endoteliais, mastocitos ou fagocitos, que produce respostas inflamatorias locais. Se a desgranulación está moi estendida pode causar unha síndrome similar ao choque anafiláctico das reaccións alérxicas máis fortes.
As anafilotoxinas median indirectamente nos seguintes fenómenos:
Anafilotoxinas importantes:
Aínda que algunhas drogas (morfina, codeína, ACTH sintética) e algúns neurotransmisores (noradrenalina, substancia P) son importantes mediadores da desgranulación dos mastocitos e basófilos, estas substancias non se denominan xeralmente anafilotoxinas. O termo resérvase normalmente aos fragmentos do sistema do complemento.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
