Alejandro López Sánchez

Alejandro "Álex" López Sánchez, nado en Ferrol o 11 de xaneiro de 1988, é un exfutbolista galego, que xogaba de centrocampista.

Alejandro López Sánchez

(2013)
Biografía
Nacemento	11 de xaneiro de 1988 (37 anos) Ferrol, España
Altura	175 cm
Peso	64 kg
Actividade
Ocupación	futbolista
Período de actividade	2005 -
Deporte	fútbol
Posición de xogo	Centrocampista
Número deportivo	4
Traxectoria   Equipo 2005–2006 → cesión:    SD O Val 2005–2007   Racing de Ferrol 5 (0) 2007–2009   Narón BP 2009–2010   Celta Fortuna 36 (13) 2009–2017   Celta de Vigo 107 (11) 2015– → cesión:    Sheffield Wednesday FC 2016–2017 → cesión:    Real Valladolid 30 (1) 2017–2018   Sporting de Gijón 2019–   Racing de Ferrol   Selección nacional 2004–2004   España sub-16 1 (0) 2005–2005   España sub-17 2 (0) 2024–   Galicia 1 (0)

Traxectoria

Formouse nas categorías inferiores do Racing de Ferrol e debutou co primeiro equipo con só 15 anos, nun partido ante o Deportivo da Coruña no Trofeo Concepción Arenal de 2003.^[1] O seu debut en partido oficial produciuse o 15 de maio de 2005, nun partido da Segunda División.^[2] Con tan só dezasete anos Álex substituíu o seu compañeiro Cyril Granon no minuto 78 do partido que enfrontaba os ferroláns contra o Club Deportivo Tenerife, e que se saldou cun empate a dous tantos.

Pola falta de oportunidades no Racing, decidiu buscar outros equipos nos que demostrar as súas posibilidades. Así, tras lograr a carta de liberdade, no mercado de inverno da tempada 2006/07 asinou polo Narón Balompé da Terceira División. Tras tres campañas nesta categoría, os seus numerosos goles espertaron o interese do Celta de Vigo, polo que o 3 de xuño de 2009, e tras unha dura pugna entre o o club vigués e o Racing de Ferrol, confirmouse finalmente a súa fichaxe polo club celeste^[3].

Tras pasar uns meses no filial celeste, o 9 de xaneiro de 2010 é convocado por Eusebio Sacristán para o duelo que o Celta disputou contra o Nàstic de Tarragona^[4]. Con todo, non chegou a xogar ningún minuto, e o seu debut como membro do primeiro equipo viuse aprazado ata o día 13 de xuño de 2010, no partido que enfrontaba o Celta de Vigo contra a Real Sociedad.

No verán de 2019 regresou á súa cidade natal para formar de novo no Racing de Ferrol. En febreiro de 2025 retirouse como futbolista e pasou a formar parte do organigrama do club ferrolán.^[5]

Selección galega

Álex López coa selección galega (2024).

Foi convocado pola selección galega para o partido contra Panamá disputado no Estadio de Balaídos o 31 de maio de 2024, que finalizou con derrota (0–2).^[6]

Clubs

Ano	Club	División	Encontros	Goles
2004-2005	Racing de Ferrol	Segunda	2	0
2005-2006	SD O Val (cedido)	Terceira
2006-2007	Racing de Ferrol	Segunda B	3	0
2007-2008	Narón BP	Terceira
2008-2009	Narón BP	Terceira
2009-2010	Celta de Vigo B	Segunda B	36	13
2009-2010	Celta de Vigo	Segunda	2	0
2010-2011	Celta de Vigo	Segunda	35	3
2011-2012	Celta de Vigo	Segunda	36	6
2012-2013	Celta de Vigo	Primeira	33	2
2013-2014	Celta de Vigo	Primeira	31	5
2014-2015	Celta de Vigo	Primeira	25	1