Adán e Eva (Dürer)

Adán e Eva (en alemán: Adam und Eva) é unha parella de pinturas realizada polo artista alemán Albrecht Dürer. Están pintadas ó óleo sobre táboa. Datan do ano 1507, segundo consta nun cartel xunto a Eva. Ambas miden 209 cm de alto, e en canto á anchura, unha mide 81 cm e a outra 80. Exhíbense no Museo do Prado de Madrid (España).

Adán e Eva
Tipo	serie pictórica
Epónimo	Adán e Eva
Movemento	Renacemento alemán
Xénero artístico	arte sacra e nudez na arte
Material	pintura ao óleo e painel (pt)
Propietario	Cristina I de Suecia
Autoría
Creador/a	Albrecht Dürer
Temática
Baseado en	Xénese
Representa a	Adán, Eva, árvore da ciência do bem e do mal (pt) , home, muller, cobras, Serpente (pt) , embigo, seo, melena, vértice (pt) e parella
Publicación
País orixe	Alemaña
Datas
Data de creación	1507
Dimensións
Altura	209 cm
Localización
Localización	Prado Hall 055B (en)
Colección	Museo do Prado
Obra derivada
Derivados  Adam and Eve (en)
Composto por
Composto por  Adam (en)  Eva
[ Wikidata ]

Descrición

Durero representou, en dúas táboas independentes, a Adán e Eva. Na de Adán preséntase a figura deste sobre un fondo escuro, de xeito que toda a atención se centra na figura masculina que está de pé, pintado de corpo enteiro, sobre un terreo irregular cheo de pedras. O corpo de Adán presenta un lixeira inclinación. Suxeita unha póla da maceira no que se atopa enrolada a cobra, de tal xeito que os seus xenitais quedan cubertos con esta póla con follas e unha mazá. O seu rostro é novo, de faccións proporcionadas, amosando unha expresión de sorpresa. Os seus rizos louros ondean ó vento.

Copia de ambos os cadros, realizada por Hans Baldung Grien cara a 1520 (Galería dos Uffizi de Florencia).

Eva permanece á beira da árbore, véndose a serpe enrolada ó redor dunha das pólas. Tamén está representada de corpo enteiro, pero a súa postura é distinta. Preséntase de fronte, adiantando a perna dereita. O seu sexo, como o de Adán, está tapado; no caso de Eva, coas follas dunha póla que se atopa na zona esquerda da composición. Como é tradicional na arte, a cor da pel de Eva é máis claro que o de Adán. O rostro de Eva é claro, e aínda desprende inocencia. A súa longa melena loura tamén ondea ó vento.