Remove ads
O óso temporal e unha das pezas que forman o cranio, en concreto as súas partes laterais ou tempas[1]. Trátase dun óso par xa que o atopamos en ámbalas dúas metades da cabeza e posúe un estrutura complexa formada por rexións morfoloxicamente distintas chamadas en conxunto “porcións” e que, no caso deste óso, reciben os seguintes nomes: escamosa, mastoide e timpánica (que se aprecian sobre todo na cara exocranial) e petrosa (que observamos na cara endocranial ou cerebral).
Para outras páxinas con títulos homónimos véxase: Temporal.
O temporal artéllase nos bordos superiores co óso parietal, no bordo posterior co occipital, no bordo de diante co esfenoide e pómulo, por dentro e fóra respectivamente, e coa mandíbula no bordo inferior.
Remove ads
Está formado por catro porcións:
- Porción escamosa : o seu nome é debido a que ten forma de escama. Trátase dunha rexión cóncava e relativamente lisa que ocupa gran parte do óso e que se presenta na cara temporal (externa) e na interna o suco da arteria temporal media.
- Porción petrosa (penedo): de forma triangular e rematada en vértice. Esta porción contén o oído interno e nela atopamos o conduto carótide e o conduto musculotubárico ademais do poro auditivo interno.
- Porción mastoide: nesta parte existen unhas células mastoides que se atopan separadas do encéfalo por unha delgada capa de tecido óseo. Nela aparece a incisura mastoide, a apófise mastoides e o orificio mastoide.
- Porción timpánica: nela atopamos o conduto auditivo externo e a espiña suprameática, ademais da fenda timpanomastoide que separa esta da porción mastoide.
Remove ads
No temporal existen unha serie de saíntes entre os que podemos destacar:
- Apófise cigomática: artéllase coa apófise temporal do óso cigomático.
- Apófise mastoide: é un saínte redondeado que se sitúa detrás do conduto auditivo externo e forma un punto de inserción dos músculos.
- Apófise estiloide: ten forma afiada e é un punto de inserción de varios músculos e ligamentos da lingua e colo.
- Tubérculo articular: conecta coa apófise cigomática. Ten forma redondeada e está unido á fosa mandibular.
- Apófise intraxugular
- Eminencia arcuata
- Apófise vaxinal da estiloide
- Espiña suprameática
Remove ads
No temporal aparecen algunhas salientables:
- Fenda timpoanomastoide
- Fenda petrotimpánica
- Fenda petroescamosa
- Incisura parietal
- Incisura mastoide
No temporal obsérvanse unha serie de orificios, condutos, fosas e depresións característicos:
- Conduto carótide: por onde pasa a arteria carótide interna.
- Fosa xugular: burato polo que pasa a vea xugular.
- Fosa mandibular: entre a parte escamosa e petrosa.
- Conduto auditivo externo: comunica co oído medio.
- Conduto auditivo interno: atravesado por varios nervios.
- Orificio mastoide: atravesado pola vea emisaria.
- Fosa subarcuata.
- Orificio externo do acueduto do vestíbulo.
- Conduto musculotubárico.
- Fosa petrosa.
- Orificio estilomastoide.
Remove ads
No temporal temos os seguintes sucos:
- Suco da arteria temporal media.
- Suco do seo sigmoide.
- Suco do seo petroso inferior.
- Suco dos nervios petrosos menores.
- Suco dos nervios petrosos maiores.
- Suco da arteria occipital.
Entre outras o óso temporal amosa dúas funcións:
- Forma unha estrutura ríxida que protexe o cerebro dos posibles golpes.
- Serve de estrutura ríxida para o asento das partes do oído.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads