Áurea Domínguez Sisto

Áurea Domínguez Sisto, nada en 1967,^[1] é unha política galega de Alternativa dos Veciños que se converteu na primeira muller alcaldesa de Fisterra.^[2]

Áurea Domínguez Sisto

Biografía
Nacemento	1967 (56/57 anos)
Alcaldesa de Fisterra
2023 – ← José Marcote Suárez
Actividade
Ocupación	política, xestora administrativa
Partido político	Alternativa dos Veciños

Traxectoria

Ten unha xestoria administrativa en Fisterra.

Nas municipais de 2023, o anterior alcalde José Marcote Súarez, do PSdG-PSOE pasou de 4 a 2 concelleiros e perdeu a alcaldía en favor da candidata de Alternativa dos Veciños Áurea Domínguez, quen irrompeu con 3 concelleiros e recibiu o apoio de socialistas (2) e nacionalistas (1) na investidura^[3][2] para evitar que a alcaldía pasase ao candidato PP, Luis Miguel Ínsua Lago, quen fora o candidato gañador con 5 concelleiros.^[1] Porén, nunha das primeiras votacións do mandato, os votos do PP e mais dos socialistas, impediron que puidese ter un salario polo desempeño do cargo.^[4]

Notas

1. López, Marta (20 de xuño de 2023). "Áurea Domínguez, alcaldesa de Fisterra: «Sabía o que pasara en Bergondo, pero iso non me garantía a investidura»". lavozdegalicia.es (en castelán). Consultado o 13 de decembro de 2023.
2. "Áurea Domínguez, alcaldesa de Fisterra co apoio de PSOE e BNG". adiantegalicia.es (en castelán). 17 de xuño de 2023. Consultado o 13 de decembro de 2023.
3. Gago, Xosé; Placer, Laura (18 de xuño de 2023). "El PSdeG gobernará sobre 1,2 millones de gallegos, el PP a 667.000, y el BNG a 360.000". lavozdegalicia.es (en castelán). Consultado o 29 de setembro de 2023.
4. Lema, Xosé Manuel (8 de xullo de 2023). "A alcaldesa de Fisterra comeza o mandato sen soldo". adiantegalicia.es. Consultado o 13 de decembro de 2023.

Véxase tamén

Outros artigos

• Eleccións municipais en Fisterra

Predecesor: José Marcote Suárez

Alcalde de Fisterra  2023 -

Sucesor: no cargo