Xasón
From Wikipedia, the free encyclopedia
Xasón[1] é un heroe da mitoloxía grega. Era fillo de Alcímeda e de Esón, rei de Iolcos, quen foi destronado polo seu irmán Pelias. O oráculo advertira a Pelias de que un home calzado cunha soa sandalia poría en perigo o seu trono.
Nome orixinal | (grc) Ἰάσων |
---|---|
Biografía | |
Celebración | Mitoloxía grega |
Familia | |
Cónxuxe | Creúsa Medea Hypsipyle |
Fillos | Mérmero () Medea Tisander (en) () Medea Téssalo (pt) () Medea Medo (pt) () Exeo (rei de Atenas)Medea Deipylus (en) () Hypsipyle (en) Alcimenes (en) () Medea Euneus (en) () Hypsipyle (en) Pheres (en) () Medea Eriopis (en) () Medea |
Pais | Esão (pt) e Amphinome (en) , Alcimede (en) e Polymede (en) |
Irmáns | Promachus (en) |
Xasón foi educado polo centauro Quirón ata que foi adulto. Cando fixo os vinte anos, dirixiuse a Iolcos disposto a recuperar o trono que por herdanza lle pertencía. No camiño, tivo que cruzar un río onde perdeu unha das súas sandalias. Ao chegar á cidade, foi chamado polo seu tío Pelias e este, ao darse conta de que aquel podía ser o home que anunciaba o oráculo, decidiu afastalo da súa terra enviándoo a unha difícil misión: viaxar ata a Cólquida (ao pé do Cáucaso), e traer de alí o vélaro de ouro, que era a pel dun carneiro fabuloso que salvara a vida a Frixo, antepasado de Pelias, e trasladouno á Cólquida. Alí Frixo ofreceu en sacrificio a Zeus este carneiro e logo regalou a pel do animal, que era de ouro, ao rei Eetes, que o depositou nunha árbore custodiada por dous touros que botaban lume pola boca e unha serpe que endexamais durmía.