Winter Is Coming
episodio de Game of Thrones / From Wikipedia, the free encyclopedia
"Winter Is Coming" é o episodio piloto da serie de televisión de fantasía medieval da HBO Game of Thrones. É o primeiro episodio da primeira tempada, e foi escrito polos creadores da serie David Benioff e D. B. Weiss, nunha adaptación fiel dos primeiros capítulos do libro de George R. R. Martin A Game of Thrones. O episodio foi dirixido por Tim Van Patten, refacendo o traballo feito polo director Tom McCarthy no episodio piloto sen estrear.
"Winter Is Coming" | |||
---|---|---|---|
episodio de Game of Thrones | |||
Episodio no. | Tempada 1 Episodio 1 | ||
Dirixido por | Tim Van Patten | ||
Escrito por | |||
Música | Ramin Djawadi | ||
Fotografía | Alik Sakharov | ||
Editado por | Oral Norrie Ottey | ||
Estrea orixinal | 17 de abril de 2011 | ||
Duración | 62 minutos[1] | ||
Convidado(s) | |||
| |||
Cronoloxía de episodios | |||
| |||
Game of Thrones (tempada 1) | |||
Lista de episodios de Game of Thrones |
Como primeiro episodio da serie, introduce o mundo e os personaxes principais da serie. O episodio céntrase na familia Stark, e en como o seu señor, Eddard "Ned" Stark, se ve involucrado na política logo de que o rei o escolla para substituír o seu administrador ("Hand of the King") que morreu recentemente. O episodio recibiu valoracións moi positivas, e foi visto inicialmente por 2,2 millóns de espectadores nos Estados Unidos. Unha semana antes da estrea do episodio, HBO fixo que os 15 primeiros minutos da serie estiveran dispoñibles para velos en liña.
O título do episodio é o lema da Casa Stark, que é mencionado numerosas veces no episodio e ó longo da serie.