Voo 902 de Aeroflot

O voo 902 de Aeroflot/Far East era un servizo regular doméstico entre Khabarovsk e Moscova, con paradas en Irkutsk e Omsk. O día 30 de xuño de 1962 o servizo estaba operado cun Tupolev Tu-104A, con 76 pasaxeiros e 8 tripulantes a bordo. O voo engalou de Irkutsk á súa hora e realizou un informe programado a 50 quilómetros de Krasnoyarsk. Uns poucos minutos despois, unha voz axitada identificada despois como a do copiloto fixo unha incoherente chamada de emerxencia cun ruído pouco común de fondo. Os restos do avión atopáronse a 28 quilómetros ao leste do aeroporto de Krasnoyarsk en terreo chan con pequenas áreas de bosque. Os investigadores determinaron que o avión impactara o chan boca abaixo nun ángulo de 40 graos. Non houbo superviventes.^[1]

Voo 902 de Aeroflot
Tu-104A semellante ao do accidente
Resumo
Data	30 de xuño de 1962
Causa	perda de control (oficial) derrubado (non oficial)
Lugar	distrito de Beryozovsky
Coordenadas
Orixe	aeroporto de Khabarovsk
Destino	Moacova-Vnukovo
Finados	84
Aeronave
Tipo de aeronave	Tupolev Tu-104A
Operador	Aeroflot/Far East
Rexistro	СССР-42370
Pasaxeiros	76
Tripulación	8
Superviventes	0

No tempo do accidente a causa oficial do desastre foi anunciada como unha entrada en perda, cunha perda de orientación espacial ou unha perda de control debido a un lume na cabina de pasaxeiros ou a outras razóns descoñecidas. Porén, atopouse dano na parte de popa da fuselaxe (en concreto un burato de entrada con signos de dano por lume no lado da fuselaxe) que era consistente co que podería ser causado por un mísil antiaéreo, e houbo unha confirmación non oficial de que un mísil antiaéreo se extraviara durante un exercicio de defensa aérea na zona.^[1]

Notas

1. Ranter, Harro. "ASN Aircraft accident Tupolev Tu-104A CCCP-42370 Voznesenka, Krasnoyarsk region". aviation-safety.net. Arquivado dende o orixinal o 31 de xullo de 2013. Consultado o 2019-01-10.