Vilaza, Monterrei

San Salvador de Vilaza é unha parroquia do concello ourensán de Monterrei na comarca de Verín. No ano 2007 tiña 601 habitantes (289 homes e 312 mulleres) distribuídos en 2 entidades de poboación, o que supón unha diminución de 41 habitantes en relación ao ano 2000.

Para outras páxinas con títulos homónimos véxase: Vilaza.

Vilaza
Torre de Vilaza.
Concello	Monterrei[1]
Provincia	Ourense
Coordenadas	41°55′47″N 7°29′26″O
Poboación	514 hab. (2017)
Entidades de poboación	2[1]
[ editar datos en Wikidata ]

Historia

Apareceron restos romanos na capela de San Brais,^[2] así como sinais de ser terras pertencentes á Orde dos Templarios, de onde dataría a capela de estilo románico e maila súa torre estilo normanda. Na Idade Media existiu tamén o mosteiro de Santa Cruz de Vilaza. En 1642 tivo lugar a batalla de Vilaza, no marco da Guerra de Restauración Portuguesa.

A igrexa de San Salvador^[3] conta cunha torre e un reloxo de sol.^[4]

Existía un manancial de augas mineromedicinais bicarbonatadas sódico-litínicas, o balneario de Requeixo,^[5] explotado por Jacinto Becerra Romero. En 1900 foron declaradas de utilidade pública, e en 1907 obtiveron a medalla de ouro da Exposición de Madrid. Comercializouse como Agua de Villaza por Hijos de Jacinto Becerra e despois por Viuda e Hijos de Juan Fuentes Pérez, banqueiros de Ourense.

Galería de imaxes

Artigo principal: Galería de imaxes de Vilaza, Monterrei.

• 
  Igrexa de San Salvador de Vilaza.
• 
  Vista da aldea
• 
  Pazo Hermida.
• 
  Pazo Limia.

Lugares e parroquias

Lugares de Vilaza

Lugares da parroquia de Vilaza no concello de Monterrei (Ourense)
A Salgueira | Vilaza

Parroquias de Monterrei

Galicia | Provincia de Ourense | Parroquias de Monterrei
Albarellos (Santiago) | Estevesiños (San Mamede) | Flariz (San Pedro) | Infesta (San Vicenzo) | A Madanela (Santa María) | Medeiros (Santa María) | Monterrei (Santa María) | Rebordondo (San Martiño) | San Cristovo (San Cristovo) | Vences (Santa Baia) | Vilaza (San Salvador)

Notas

1. Decreto 332/1996, do 26 de xullo, polo que se aproba o nomenclátor correspondente ás entidades de poboación da Provincia de Orense.
2. Capela de San Brais de Vilaza na páxina web colaborativa Patrimonio Galego.
3. Igrexa mosteiral de San Salvador de Vilaza na páxina web colaborativa Patrimonio Galego.
4. Reloxo de sol da igrexa de Vilaza na páxina web colaborativa Patrimonio Galego.
5. Concha Caneiro (30 de abril de 2023). "El balneario de Requeixo busca atraer el turismo termal al concello". La Región (en castelán).

Véxase tamén

Outros artigos

• Lugares de Monterrei