Ultramontanismo
From Wikipedia, the free encyclopedia
Ultramontanismo e ultramontano fan referencia a un tipo de doutrina sobre a forma de relación que debe existir entre a Igrexa católica e os Estados cos que mantén concordatos ou outros lazos de poder. Afirma a primacía espiritual e xurisdiccional do papa sobre o poder político e, por conseguinte, pide a subordinación da autoridade civil á autoridade eclesiástica. É a tendencia oposta ao galicanismo, que propón o establecemento dunha igrexa nacional independente de Roma, ou ao episcopalismo, que defende a primacía dos bispos sobre o papado. Trátase pois dunha doutrina parecida á do chamado cesaropapismo, pero decantada claramente a favor do sumo pontífice.
![Thumb image](http://upload.wikimedia.org/wikipedia/commons/2/28/Pope_Alexander_I.jpg)
A Real Academia Galega define no seu dicionario o «ultramontanismo» como a “doutrina que defende a idea da supremacía e poder do papa, así como as súas amplas facultades”.[1]
Na actualidade, os sectores católicos ultramontanos son aqueles que defenden posicións integristas, é dicir, contrarias á separación da Igrexa e o Estado e ao laicismo saído do Concilio Vaticano II (1962-1965).