![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4d/Bundesarchiv_Bild_183-C0517-0010-005%252C_Berlin%252C_Deutschlandtreffen%252C_tanzende_Jugendliche.jpg/640px-Bundesarchiv_Bild_183-C0517-0010-005%252C_Berlin%252C_Deutschlandtreffen%252C_tanzende_Jugendliche.jpg&w=640&q=50)
Twist (baile)
From Wikipedia, the free encyclopedia
O twist[1] é un baile baseado no rock and roll moi popular a comezos da década de 1960, chamado así a partir dunha canción que o orixinou: "The Twist". Foi o primeiro estilo internacional de baile baseado no rock and roll, onde as parellas non se tocaban mentres bailaban.
![Thumb image](http://upload.wikimedia.org/wikipedia/commons/thumb/4/4d/Bundesarchiv_Bild_183-C0517-0010-005%2C_Berlin%2C_Deutschlandtreffen%2C_tanzende_Jugendliche.jpg/640px-Bundesarchiv_Bild_183-C0517-0010-005%2C_Berlin%2C_Deutschlandtreffen%2C_tanzende_Jugendliche.jpg)
Este baile popularizouno Chubby Checker en 1960 coa súa versión do tema de "The Twist" composto por Hank Ballard en 1959. A versión de Checker chegou ao número un das listas dos Estados Unidos, e converteuse no posuidor dunha marca ao ser o primeiro sinxelo en alcanzar o primeiro lugar dúas veces en anos diferentes. A primeira vez en 1960 e logo en 1962.
A España o twist chegou en 1962, e foi entón cando grupos e solistas comezaron a versionar e crear novos twist. Algúns deles son "Lolita twist",[2] "El twist de la risa",[3] "Flamenco twist", "El twist del reloj" etc.
En América Latina, a tolemia polo twist desatouse tamén entre os anos 1960 e 1962 pero non polas versións de Checker ou Ballard, senón pola de Bill Haley & His Comets. En México, foron grandes éxitos os temas "The Spanish Twist", "Florida Twist" e "Twist-er", onde a banda conseguiu o recoñecemento de seren os iniciadores do baile de moda.